ءماجىلىس دەپۋتاتى ماگەررام ماگەرراموۆ باستاعان بىرقاتار ازامات ەلىمىزدە جىنىس اۋىستىرۋعا زاڭمەن تىيىم سالۋدى ۇسىندى, دەپ حابارلايدى Egemen.kz.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە سايكەس 21 جاسقا تولعان, پسيحيكالىق مىنەز-قۇلقىندا اقاۋى جوق جانداردىڭ جىنىسىن اۋىستىرۋعا قۇقىعى بار. الايدا, «جىنىستىق سايكەستەندىرۋ بۇزىلىسى بار ادام» ۇعىمىنىڭ ءوزى قانداي دا ءبىر بۇزۋشىلىقتىڭ بارىن كوزدەپ وتىر. بۇل ادامداردا فيزيكالىق اۋىتقۋلار بولماعاندىقتان, بۇزىلىس پسيحيكاسىندا نەمەسە مىنەز-قۇلقىندا دەپ بولجاۋعا بولادى. تيىسىنشە, پسيحيكالىق نەمەسە مىنەز-ق ۇلىق اسپەكتىلەرى بۇزىلعان ادامنىڭ ساۋ دەنەسىنە گورمونالدى جانە حيرۋرگيالىق وتا جاساۋدى اقتاۋعا بولمايدى, - دەدى ماگەررام ماگەرراموۆ ۇكىمەت باسشىسى ولجاس بەكتەنوۆتىڭ اتىنا دەپۋتاتتىق ساۋال جولداي وتىرىپ.
وسى ورايدا م.ماگەرراموۆ ۇكىمەت باسشىسىنان كەلەسى ساۋالدارعا جاۋاپ بەرۋىن سۇرادى:
1. ەگەر ءسىز ەر ادامنان ايەلدى, ال ايەلدەن ەر ادامدى حيرۋرگيالىق تۇزەتۋ ارقىلى جىنىسىن اۋىستىرۋعا جول بەرسەڭىز, «دەنى ساۋ ۇلت» ۇلتتىق جوباسىن قالاي جۇزەگە اسىرىپ وتىرسىز؟
2. مىنەز-قۇلقىندا, پسيحيكاسىندا بۇزىلۋلار بار جاندار نەلىكتەن حيرۋرگيالىق جولمەن ەمدەلەدى؟
3. جىنىستى اۋىستىرۋعا قانشا وتا جاسالدى؟ ولاردىڭ ىشىندە قانشا ادام جىنىسىن كەرى قايتارۋعا نيەت تانىتتى؟
4. بۇگىندە قانشا ادام جىنىسىن اۋىستىرۋعا ءوتىنىش بەردى؟
5. مۇنداي مانيپۋلياتسيالار نەگىزگى مەديتسينالىق پرينتسيپتەر مەن ۇلت دەنساۋلىعىنا كەرى اسەر ەتپەي مە؟
«قكپ فراكتسياسى جىنىسىن اۋىستىرۋعا رۇقسات بەرۋ بولىگىندە زاڭناما وزگەرگەنگە دەيىن وسى مانيپۋلياتسياعا تىيىم سالۋدى تالاپ ەتەدى», دەدى ءماجىلىس دەپۋتاتى.
ەستەرىڭىزگە سالا كەتەيىك, بۇدان ءبىر اي بۇرىن ءماجىلىس دەپۋتاتى ەدىل جاڭبىرشين دە وسى ماسەلەنى كوتەرگەن بولاتىن. اقش پرەزيدەنتىنىڭ ءوزى جىنىسىن وزگەرتكەندەردى زاڭمەن قۋدالاۋعا قول قويعانىن ەسكەرتە كەلىپ, ونىڭ «دياديا دونالدتان جالىندى سالەم!» دەگەن ءسوزى الەۋمەتتىك جەلىدە كەڭ تارالىپ كەتكەن ەدى.