پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا ينفراقۇرىلىمدى دامىتۋ مەملەكەتتىك ساياساتتىڭ ماڭىزدى باسىمدىقتارىنىڭ ءبىرى ەكەنىن اتاپ وتكەنى بەلگىلى. وسى مىندەتتى ىسكە اسىرۋ اياسىندا جامبىل وبلىسىندا بىرقاتار جۇمىس اتقارىلماق. ناقتىراق ايتساق, ءوڭىر جولدارىن جوندەۋگە قوماقتى قاراجات ءبولىنىپ وتىر, دەپ حابارلايدى Egemen.kz.
وبلىستىق جولاۋشىلار كولiگi جانە اۆتوموبيل جولدارى باسقارماسىنىڭ باسشىسى مۇرات ساۋرىقوۆتىڭ ايتۋىنشا, 2024 جىلى 16,5 شاقىرىم جول سالىنىپ, 1 كوپىردىڭ قۇرىلىسى جۇرگىزىلدى. 3 شاقىرىم جول قايتا جاڭعىرتىلىپ, 690,4 شاقىرىم جول ورتا جوندەۋمەن قامتىلدى.
بيىل وڭىردەگى جەرگىلىكتى ماڭىزى بار اۆتوجولدار مەن ەلدى مەكەن كوشەلەرىن جوندەۋگە 23,6 ملرد. تەڭگە ءبولىندى. بۇل قارجىعا 146 جول جوندەۋ جوباسى جۇزەگە اسىرىلادى. اتاپ ايتقاندا, 17,7 شاقىرىم جاڭا جول سالىنادى, 8 شاقىرىم جول قايتا جاڭعىرتىلادى, 391,4 شاقىرىم جول ورتا جوندەۋدەن وتەدى.
جول قوزعالىسىن قامتاماسىز ەتۋ ماقساتىندا بولىنگەن قارجىنىڭ 3,4 ملرد. تەڭگەسى جەرگىلىكتى جولدار مەن ەلدى مەكەن كوشەلەرىن اعىمداعى جوندەۋ مەن كۇتىپ ۇستاۋ جۇمىستارىنا باعىتتالادى.
بيىلعى جىلدىڭ قورىتىندىسى بويىنشا جاقسى جانە قاناعاتتانارلىق جاعدايداعى جەرگىلىكتى ماڭىزى بار اۆتوجولداردىڭ ۇلەسىن 99,5 پايىزعا (2024 ج. - 99%), ەلدى مەكەن كوشەلەرى بويىنشا بۇل كورسەتكىشتى 89 پايىزعا (2024 ج. - 87%) جەتكىزۋ مەجەلەنىپ وتىر.