ەلوردادا ءورت ءسوندىرۋ كولىگىنىڭ جۇرگىزۋشىسى باعدارشامنىڭ قىزىل تۇسىنە ءوتىپ كەتىپ, جولاۋشىلار كولىگىمەن سوقتىعىسقان. سالدارىنان ەكىنشى كولىكتە وتىرعان 52 جاستاعى جولاۋشى قازا تاپتى, دەپ حابارلايدى Egemen.kz.
قالالىق پوليتسيا باسقارماسىنىڭ حابارلاۋىنشا, جول اپاتى بوگەنباي باتىر داڭعىلى مەن جەڭىس كوشەسىنىڭ قيىلىسىندا بولعان.
ء«ورت ءسوندىرۋ كولىگىنىڭ جۇرگىزۋشىسى باعدارشامنىڭ قىزىل تۇسىنە ءوتىپ كەتىپ, Kia كولىگىمەن سوقتىعىسقان. وقيعا سالدارىنان Kia كولىگىنىڭ جۇرگىزۋشىسى مەن جولاۋشىسى اۋرۋحاناعا جەتكىزىلدى. كەيىنىرەك 52 جاستاعى جولاۋشى العان جاراقاتتارىنان كوز جۇمدى. تەرگەۋ امالدارى جۇرگىزىلىپ جاتىر», دەلىنگەن حابارلامادا.
ابايسىزدا ادام ولىمىنە اكەپ سوققان جول قوزعالىسى ەرەجەسىن بۇزۋ دەرەگى بويىنشا قىلمىستىق ءىس قوزعالعان.