«بايتەرەكتەگى» يگى ءىس

اۋماعى شامامەن 470 شارشى مەتردى قۇ­راي­تىن جاڭا عيمارات زا­ماناۋي ستاندارتتار مەن تا­لاپتارعا تولىق سايكەس كەلەدى. وندا ەم الاتىن بالالار جاسىنا, دەنساۋ­لىق جاعدايىنا قاراي ەكى توپقا بولىنگەن.

ء«بولىمدى اشۋداعى باستى ماق­سات – مۇگەدەك بالالارعا بارىن­شا قامقورلىق كورسەتۋ, ولاردى ومىر­گە بەيىمدەۋ. مۇندا الەۋمەت­تىك-مەديتسينالىق, الەۋمەتتىك-پسي­حو­لوگيالىق, الەۋمەتتىك-پەدا­گو­گي­كا­لىق كومەكتى قوسقاندا, سەگىز ءتۇرلى قىزمەت كورسەتىلەدى. سونى­مەن قاتار وتباسىلارعا ىڭعاي­لى الەۋمەتتىك تاكسي قىزمەتتەرى ۇسى­نىلادى. بالالار­دى ورتالىققا اپاراتىن, قاي­تىپ اكەلەتىن 4 اۆتو­كولىك بار», دەيدى ورتالىق ديرەك­تورىنىڭ الەۋمەتتىك ماسەلەلەر جو­نىندەگى ورىنباسارى نازگۇل بۇركىتباەۆا.

جاڭادان اشىلعان ورتالىققا كە­لىپ جۇرگەن بالالاردىڭ اتا-انا­­لارى وسىنداي مۇمكىندىككە ريزا­­شى­لىق ءبىلدى­رىپ, العىسىن ايتادى. سون­داي انانىڭ ءبىرى – ءسانيا تەڭىزباەۆا. «بايتەرەك» ورتالىعىنىڭ توق­تاۋسىز جۇمىس ىستەۋى – بىزگە ۇلكەن قولداۋ. مىنە, ورتالىقتىڭ جانىنان جايلى, جارىق, جىلى جاڭا بولىمشە اشىلدى. بالام كاسىبي كومەك الىپ قانا قويماي, ءوزىن ۇجىمنىڭ ءبىر بولشەگى, ۇلكەن, تاتۋ وتباسىنىڭ ءبىر مۇشەسى رەتىندە سەزىنىپ كەلەدى. قىزىما ورتالىق ما­ماندارىنىڭ ارقاشان قاسىندا بولىپ, كومەكتەسىپ, باعىت-باعدار بەرىپ وتىرۋى ماڭىزدى», دەدى س.تەڭىزباەۆا.

كەز كەلگەن اتا-انا بالالارى قان­داي جاعدايعا تاپ بولسا دا, ءار كۇنى قۋانىشپەن وتكەنىن قالايدى. سول سەبەپتى ورتالىققا ءجيى كەلىپ, بالالارىن ۇنەمى باقىلاپ وتىرادى. قارلىعاش تۇتقاباەۆا بالاسىنا مامانداردىڭ زامان تالابىنا ساي قىزمەت كورسەتكەنىنە ءدان ريزا.

جەتىسۋ جەرىندە مۇمكىندىگى شەك­تەۋلى جاندارعا ارناۋلى الەۋ­مەتتىك قىزمەت كورسەتەتىن 1566 ورىندىق 13 مەكەمە بار. بىلتىر بۇل مەكەمە­لەر 1512 الەۋمەتتىك قىز­مەت كورسەتىپ, مۇگە­دەكتەردىڭ ەمىن-ەركىن ءجۇرىپ-تۇرۋىنا مۇمكىندىك­ جاسادى. سونداي-اق وتكەن جىلى 168 نىساندا مۇمكىندىگى شەكتەۋ­لى جاندارعا بەيىمدەۋ جۇمىستارى جۇرگىزىلدى. بيىل تالدىقورعان قالا­سىندا 150 ورىندىق وڭالتۋ ورتالىعى­نىڭ قۇرىلىسىن باستاۋ جوسپارلانىپ وتىر.

جەتىسۋ وبلىسى