قارجىلىق مونيتورينگ اگەنتتىگى سقو-داعى اۋىل شارۋاشىلىق وندىرىستىك كووپەراتيۆىنىڭ باسشىسى ءسۇت ءوندىرۋ ىسىنە بولىنگەن سۋبسيديانى قالتاسىنا باسىپ كەلگەنىن انىقتادى, دەپ جازادى Egemen.kz.
كۇدىكتى 2019 جىلدىڭ مامىرىنان 2020 جىلدىڭ ناۋرىزىنا دەيىنگى ارالىقتا جالعان قۇجاتتار ارقىلى 50 ميلليون تەڭگەنى زاڭسىز يەمدەنگەن.
ول وندىرىستىك شىعىنداردى راستاۋ ءۇشىن جەكە كاسىپكەرلەردەن ءسۇت العانى تۋرالى نەگىزسىز ەسەپ بەرىپ, ماي ءوندىرىسى تۋرالى دا جالعان دەرەكتەر ۇسىنىپ كەلگەن.
قارجىلىق تەرگەۋ بارىسىندا كۇدىكتى سۋبسيديا قارجىسىنا «TOYOTA LAND CRUISER PRADO 150» ماركالى اۆتوكولىك ساتىپ العانى بەلگىلى بولدى. اۋىل شارۋاشىلىق وندىرىستىك كووپەراتيۆىنىڭ باسشىسى قىمبات كولىكتى سەنىمدى وزگە ازاماتتىڭ اتىنا راسىمدەگەن.
«سوتتىڭ سانكتسياسىمەن اتالعان اۆتوكولىكتى پايدالانۋعا تىيىم سالىندى. كۇدىكتىگە قاتىستى سوت 2 ايعا «قاماۋعا الۋ» تۇرىندە بۇلتارتپاۋ شاراسىن تاعايىندادى. وزگە اقپارات قر قپك 201-بابى بويىنشا تەرگەۋ مۇددەسىنە ساي جاريا ەتىلمەيدى», دەلىنگەن قارجىلىق مونيتورينگ اگەنتتىگىنىڭ حابارلاماسىندا.