كەشە پرەزيدەنت جانىنداعى ورتالىق كوممۋنيكاتسيالار قىزمەتى الاڭىندا ادىلەت ورگاندارىنىڭ قىزمەتىن تسيفرلاندىرۋ ماسەلەلەرىنە ارنالعان ءباسپاسوز كونفەرەنتسياسى ءوتتى. ءىس-شارادا ادىلەت ۆيتسە-ءمينيسترى بەكبولات مولدابەكوۆ الداعى ۋاقىتتا حالىق جاساندى ينتەللەكتىنىڭ كومەگىمەن جىلجىمايتىن م ۇلىكتەردى راسىمدەپ, چات-بوتتار ارقىلى كەيبىر زاڭدىق قىزمەتتەردى تۇتىنا الاتىنىن مالىمدەدى.
ادىلەت مينيسترلىگى وكىلىنىڭ ايتۋىنا قاراعاندا, مينيسترلىك جي ارقىلى بۇقارانىڭ ءومىر ءسۇرۋىن جەڭىلدەتەتىن بىرنەشە جوبا ازىرلەگەن. مينيسترلىك اتالعان جوبالاردى ىسكە اسىرۋ ماقساتىندا ەلىمىزدەگى ۋنيۆەرسيتەتتەرمەن بىرىگىپ, جۇمىس توبىن قۇرعان. سونداي-اق سپيكەر الداعى ۋاقىتتا ءىت سالاسىنىڭ كاسىپكەرلەرىمەن دە ىنتىماقتاسا جۇمىس ىستەۋگە دايىن ەكەنىن جەتكىزدى.
– قازىرگى ۋاقىتتا ازاماتتارعا زاڭدىق تۇرعىدا تاۋلىك بويى كەڭەس بەرەتىن «ە-Zan Komegi» ءموبيلدى قوسىمشاسىنىڭ «چات-بوتى» ازىرلەنىپ جاتىر. وسى جوبا ارقىلى ءبىز حالىقتىڭ قۇقىقتىق ساۋاتىن ارتتىرىپ, ولاردىڭ كەز كەلگەن سۇراعىنا دەر كەزىندە جاۋاپ بەرۋ مۇمكىندىگىنە يە بولامىز. ماسەلەن, ءبىز جوسپارلاعان جوبالار تولىقتاي ىسكە قوسىلعاندا ازاماتتار قۇقىقتىق كومەكتى, ياعني زاڭدىق كەڭەستى ۇيىندە وتىرىپ-اق الا الادى, – دەدى ۆيتسە-مينيستر.
سپيكەر «ە-Zan Komegi» ءموبيلدى قوسىمشاسى ادۆوكاتتار مەن زاڭگەرلەردىڭ جۇمىسىن اۆتوماتتاندىرىپ, ونلاين كەڭەس بەرۋ, قوڭىراۋلاردى قابىلداۋ, كەزدەسۋ ۋاقىتىن بەلگىلەۋ, زاڭ قىزمەتتەرىنىڭ تۇپنۇسقالىعىن تەكسەرۋ سەكىلدى جۇمىستاردى اتقارا الاتىنىن, بۇل جۇمىس ءاردايىم جەتىلدىرىلىپ وتىراتىنىن تىلگە تيەك ەتتى. بولاشاقتا ادىلەت مينيسترلىگى جىلجىمايتىن م ۇلىكتەردى راسىمدەۋ قىزمەتىن دە جي ارقىلى ونلاين جاساۋعا كوشەدى.
– ءبىز بۇعان دەيىن سەنىمحاتتاردى راسىمدەيتىن «Enotary» جوباسىن ىسكە قوستىق. ەكى جىل ىشىندە 67 490 سەنىمحات راسىمدەلىپ, جۇيە جاقسى جۇمىس ىستەدى. تۇتىنۋشىلار تاراپىنان ەشقانداي ارىز-شاعىم تىركەلگەن جوق. ەندى وسى جوبا اياسىندا جىلجىمايتىن م ۇلىكتى ساتۋ, يپوتەكا راسىمدەۋ سەكىلدى بىرنەشە قىزمەتتى ونلاين رەجىمگە اۋىستىرامىز. ازاماتتارىمىز شەتەلدە ءجۇرىپ تە ۇيلەرىن ساتا الاتىن بولادى. ال يپوتەكا راسىمدەۋ ءۇشىن بانككە 10-15 رەت بارۋدىڭ قاجەتى بولمايدى, – دەدى سپيكەر.
سونداي-اق ۆيتسە-مينيستر «Zanbar» جانە «IPrav» قوسىمشالارىندا ادۆوكاتتار مەن زاڭ كەڭەسشىلەرىنىڭ رەيتينگى بار ەكەنىن ءتۇسىندىرىپ, قازۇتزۋ-مەن بىرلەسىپ زاڭ كلينيكالارىن اشاتىنىن, ول جۇيەدە جاساندى ينتەللەكت ەمەس, زاڭگەرلەردىڭ ءوزى وتىراتىنىن, كەز كەلگەن ازاماتتىڭ ولاردان كەڭەس الۋىنا بولاتىنىن جەتكىزدى.
– ءبىزدىڭ باستى مىندەتىمىز – ازاماتتاردىڭ قۇقىقتىق قورعالۋى. ارينە, ەلدەگى بارلىق ادامنىڭ سۇراقتارىنا جاۋاپ بەرەتىن ادۆوكات پەن زاڭ كەڭەسشىسى ماماندارىن تابۋ قيىن. سوندىقتان دا تۇرعىندار تاراپىنان كوپ قويىلاتىن سۇراقتارعا جي جانە ءموبيلدى قوسىمشالار ارقىلى جاۋاپ بەرۋ ءتيىمدى بولادى. مينيسترلىك الداعى ۋاقىتتا وسى باعىتتاعى جۇمىستاردى دا جانداندىرا بەرەدى, – دەدى بەكبولات سەرىك ۇلى.
ۆيتسە-مينيستر بۇقارالىق اقپارات قۇرالدارى وكىلدەرىنە 2024 جىلى قولدانىسقا ەنگەن «روبوت سوت ورىنداۋشى» جوباسىنىڭ دا ناتيجەلى جۇمىس ىستەپ جاتقانىن جەتكىزىپ, ناقتى دەرەكتەردى مىسالعا كەلتىردى.
– بىزگە بۇرىن سوت ورىنداۋشىلارعا قاتىستى شاعىم كوپ تۇسەتىن. ماسەلەن, بۇرىن جۇرگىزۋشىلەر «سەرگەك» كامەراسىنا ءتۇسىپ قالعانىن سوت ورىنداۋشى اكىمشىلىك ايىپپۇلدى وندىرۋگە كەلگەندە عانا ءبىلىپ, ايىپپۇلدى ءبىر, سوت ورىنداۋشىنىڭ 25 پايىزدىق قىزمەتىن ەكى تولەۋشى ەدى. قازىر ءبىز ءىت تەحنولوگيانىڭ كومەگىمەن سمس-حاتتار جولدايتىن جۇيەگە قول جەتكىزدىك. ياعني ايىپپۇل ءوندىرۋ جۇمىسىن «روبوت سوت ورىنداۋشى» تەگىن ىستەيدى. ناتيجەسىندە, 2024 جىلدىڭ تامىز ايىنان بۇگىنگە دەيىن 454 مىڭ وندىرىستىك ءىس قوزعالىپ (9,6 ملرد تەڭگە سوماسىنا), حالىقتىڭ قالتاسىنداعى قاراجاتتان 551 ملن تەڭگە ۇنەمدەلدى, – دەدى ۆيتسە-مينيستر.