مەملەكەت باسشىسى وسى جىلدى «جۇمىسشى ماماندىقتارى جىلى» دەپ جاريالادى. بۇل باعىتتا ءوندىرىستى ءوڭىر الدىنا بىرقاتار مىندەت قويدى. باستىسى, جۇمىسشى ماماننىڭ بەدەلىن ارتتىرىپ, تەحنيكالىق, كاسىپتىك ءبىلىم جۇيەسىن رەفورمالاۋ ماقساتىندا جۇمىس توبى قۇرىلدى, جوسپار بەكىتىلدى.
– اتاۋلى جىلدىڭ ءبىز ءۇشىن ماڭىزى ەرەكشە. مىندەت – ەڭبەكشىلەر بەدەلىن ارتتىرۋ. ەڭبەكتەنگەن جاننىڭ قوعامدا لايىقتى قۇرمەتكە يە ەكەنىن ءاربىر ادام ءبىلۋى قاجەت. ءبىزدىڭ وبلىستا ءتيىستى جوسپار ازىرلەندى, وعان جۇمىس بەرۋشىلەر, ءبىلىم بەرۋ مەكەمەلەرى مەن جاستار اراسىنداعى بەلسەندى ءوزارا ءىس-قيمىلعا ىقپال ەتەتىن 100-دەن استام ءىس-شارالار كىردى, – دەدى ءوڭىر باسشىسى ەرماعانبەت بولەكپاەۆ.
ايماعىمىزدا 52 كوللەدج 126 ماماندىق بويىنشا جۇمىسشى كادرلاردى دايارلايدى. وندا 33 مىڭنان استام ستۋدەنت ءبىلىم الىپ, بىلىكتىلىگىن جەتىلدىرىپ جاتىر. مەملەكەتتىك تاپسىرىس ۇنەمى ءوسىپ كەلەدى. بيىلعى جىلى كوللەدجدەر مەملەكەتتىك تاپسىرىس كولەمىن 1100 ورىنعا كوبەيتىپ, 9 244 ادامدى قابىلداعان.
سۋرەتتى تۇسىرگەن – جانگەلدى ابدىعالىم
– ءتۇرلى سالالارداعى يننوۆاتسيالار, جەتىستىكتەردى, سونداي-اق مانساپتىق ءوسۋدىڭ تابىستى مىسالدارىن كورسەتەتىن جۇمىسشى ماماندىعى جەتىستىكتەرىنىڭ وبلىستىق كورمەسىن وتكىزۋگە دايىندىق جۇمىستارى ءجۇرىپ جاتىر. بۇل جاستاردىڭ جۇمىسشى ماماندىعىن تاڭداۋىنا قوسىمشا ىنتالاندىرۋ بولماق. وڭىردەگى ءىرى كاسىپورىنداردىڭ سوڭعى تەحنولوگيالاردى قارقىندى ەنگىزۋىن ەسكەرە وتىرىپ, ءبىرىنشى كەزەكتە تەحنيكالىق, كاسىپتىك ءبىلىم بەرۋ جۇيەسىن رەفورمالاۋ ارقىلى «جۇمىسشى ماماندىقتارى» جىلى اياسىندا دۋالدى وقىتۋدى دامىتۋ كوزدەلگەن. بۇل رەتتە كاسىپورىندارمەن ءوزارا ءتيىمدى ىنتىماقتاستىقتىڭ جاڭا فورماتىن ەنگىزىپ, كوللەدجدەردى ءىرى بيزنەستىڭ قامقورلىعىنا بەرۋ ماڭىزدى. جۇمىس بەرۋشىلەردىڭ قاتىسۋىمەن ءبىلىم بەرۋ باعدارلامالارىن جاڭارتۋ جۇمىستارىن جالعاستىرۋ كەرەك, – دەپ اتاپ ءوتتى ايماق باسشىسى.
كوللەدجدەردى كلاستەرلەۋ 8 جەتەكشى باعىتتا جۇرگىزىلىپ جاتىر. اتاپ ايتساق, ءبىلىم بەرۋ, قۇرىلىس, كولىك, ەنەرگەتيكا, IT, بايلانىس, تاۋ-كەن ءوندىرۋ, جەڭىل ونەركاسىپ, اۋىل شارۋاشىلىعى سالاسى بار.
ءبىلىم باسقارماسىنىڭ باسشىسى گۇلباقىت ءجۇنىسوۆا وڭىردەگى ءبىلىم مەكەمەلەرىندە جاڭا ماماندىقتار اتلاسى ازىرلەنگەنىن ايتادى. وسىعان وراي بيىل «پوليمەرلىك ءوندىرىس تەحنولوگياسى», «جىلجىمايتىن م ۇلىكتى باسقارۋ», «گازبەن جابدىقتاۋ جۇيەلەرىن پايدالانۋ», «گيدروتەحنيكالىق قۇرىلىس», «گيدروتەحنيكالىق مەليوراتسيا» ماماندىقتارى اشىلادى.
سونىمەن قوسا, وبلىس كوللەدجدەرىندە زاماناۋي جابدىقتارمەن جاراقتاندىرىلعان 2 زاماناۋي قۇزىرەتتىلىك ورتالىعى, 10 شەبەرحانا قۇرىلادى.
– ءبىز بۇل باعىتتا «Qarmet» اق, «KazakhmysSmelting», «QazTehna», «KamaTyresKZ», «Silk Road Electronics» جشس, ءوڭىردىڭ باسقا دا ءىرى كاسىپورىندارىمەن بەلسەندى جۇمىس جاسايمىز. مونوقالالاردا, اۋىلدىق جەرلەردە ورنالاسقان كوللەدجدەردىڭ قىزمەتىنە ەرەكشە نازار اۋدارىپ, بالقاش, تەمىرتاۋ قالالارىندا ورنالاسقان شاعىن كوللەدجدەردى ءىرى كوللەدجدەرگە قوسۋ ارقىلى ىرىلەندىرۋ جۇمىسىن جۇرگىزدىك. بۇل ءىرى كوللەدجدەردىڭ رەسۋرستارى ارقىلى شاعىن كوللەدجدەردىڭ الەۋەتىن كوتەرۋگە مۇمكىندىك بەرەدى. بيىل اتالعان عيماراتتاردا وڭىرلىك سۇرانىسقا ساي سۋ شارۋاشىلىعى, تۋريزمگە قاتىستى زاماناۋي شەبەرحانالار مەن زەرتحانالار اشىلاتىن بولادى, – دەدى گۇلباقىت سەرىكجانقىزى.
كاسىپتىك باعدار بەرۋدىڭ جۇمىس بەرۋشىلەرمەن تىعىز قارىم-قاتىناستا جۇزەگە اسىرىلۋى اسا ماڭىزدى. مۇنداي جۇمىسقا مەكتەپ جاسىنا دەيىنگى بۇلدىرشىندەر دە تارتىلادى. وڭىرلىك WorldSkills چەمپيوناتى اياسىندا «جاس Skills», سونداي-اق العاشقى رەت «بوبەك Skills» كاسىبي شەبەرلىك كونكۋرسى وتكىزىلەدى. وقۋشىلار ءۇشىن جەرگىلىكتى كاسىپورىندارعا ەكسكۋرسيالار, «مانساپتىق اپتالار» ۇيىمداستىرىلادى. ءپروفيلدى سىنىپتار قۇرۋ جۇمىستارى جالعاسادى.
مەكتەپتەردە قىزمەت كورسەتۋ, اۆتو, اگرو, قۇرىلىس, ءىت, باسقا دا باعىتتاردا 50 ءپروفيلدى سىنىپتار قۇرىلىپ جاتىر. جازدا كوللەدجدەردىڭ بازاسىندا ءپروفيلدى لاگەر ۇيىمداستىرىلادى. سونىمەن قاتار بيىل ستۋدەنتتەر سانى از اۋىلدىق كوللەدجدەردىڭ بازاسىندا كاسىپتىك باعدارلاۋدان باستاپ, ەرەسەكتەردى وقىتاتىن ورتالىق قۇرۋ جوسپارلانىپ وتىر. بۇل جوبا اۋىلداعى بۇلدىرشىندەر, جاسوسپىرىمدەر عانا ەمەس, 10-11 سىنىپ وقۋشىلارىنىڭ, ەرەسەك ازاماتتاردىڭ جۇمىسشى ماماندىقتاردى يگەرۋىنە مۇمكىندىك بەرەتىن زاماناۋي ورتا بولماق.
بيىل «جۇمىس تاپ» جوباسى جالعاسىپ, ءتۇرلى جاستاعى ازاماتتارعا ارنالعان باعدارلامالار كوللەدج بازاسىندا جۇزەگە اسىرىلادى. «جاستار پراكتيكاسى», «الەۋمەتتىك جۇمىس ورىندارى», «قوعامدىق جۇمىستار», ء«بىرىنشى جۇمىس ورنى», «قىسقا مەرزىمدى كاسىپتىك وقىتۋ» سياقتى نەگىزگى مەملەكەتتىك باعدارلامالاردى, «كۇمىس جاس», «التىن جاس» سياقتى ءتۇرلى جاس توپتارىن قولداۋعا باعىتتالعان جوبالاردى قامتۋعا ەرەكشە نازار اۋدارىلادى.
قازىرگى ۋاقىتتا تەمىرتاۋ, قاراعاندى قالالارىندا ورنالاسقان ەكى جوعارعى پوليتەحنيكالىق كوللەدجدىڭ حالىقارالىق اككرەديتتەۋدەن ءوتۋ ماسەلەسى پىسىقتالىپ جاتىر. مۇنىمەن قوسا, ءوڭىردىڭ جەتەكشى كومپانيالارىندا وتكەن ءتۇرلى كاسىبي سايىستاردان جۇلدەلى ورىن العان 50 ۇزدىك تۇلەك ماماندىعىنا سايكەس جۇمىسقا تۇرادى.
ەڭبەك ادامىنىڭ وڭ ءيميدجىن قالىپتاستىرۋ ماقساتىندا جۇمىسكەرلەر اراسىندا كاسىبي شەبەرلىك بايقاۋلارى ۇيىمداستىرىلىپ, ارداگەرلەر, ۇزدىك شەبەرلەر مەن جاس جۇمىسشىلار تۋرالى شاعىن سەريالدار مەن الەۋمەتتىك روليكتەر جاسالادى. وسىلايشا, «ەڭبەك ادامى» ۇزدىك بەينەسىن انىقتايتىن بايقاۋ وتكىزۋ ارقىلى جۇمىسشى ماماندىقتارىنىڭ بەدەلىن ارتتىرۋ جوسپارلانىپ وتىر.
قاراعاندى وبلىسى