ولاردىڭ قاتارىندا جەرگىلىكتى اتقارۋشى ورگانداردىڭ وكىلدەرى, جول پايدالانۋ ءبولىمىنىڭ باسشىلارى مەن قتج جول ۋچاسكەلەرىنىڭ باسشىلارى بار, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ حابارلاۋىنشا, پوليتسەيلەر رەيد جۇرگىزىپ, قىسقى جولداردىڭ جاعدايىن تەكسەرگەن. تەكسەرىس كەزىندە جول بولىگىن قاردان ۋاقىتىلى تازارتۋعا, كوكتايعاققا قارسى ماتەريال قوسۋعا, قاپتالعان قاردى شىعارۋعا باسا نازار اۋدارىلعان.
قر اقبتك 631-بابى بويىنشا «استانا - پەتروپاۆل» رەسپۋبليكالىق ماڭىزى بار تراسساسىنىڭ وزىنە ۆەدومستۆولىق باعىنىستى ۋچاسكەسىن كۇتىپ ۇستاۋ جونىندەگى تالاپتاردى ورىنداماعان جەرگىلىكتى دەۋ باستىعى اكىمشىلىك جاۋاپكەرشىلىككە تارتىلعان. وسىعان ۇقساس بۇزۋشىلىقتار «الماتى - ەكاتەرينبۋرگ» حالىقارالىق ماڭىزى بار تراسساسىندا انىقتالعان.
«قۇزىرلى قىزمەتتەر جول جامىلعىسىن تازالاۋدى ۇيىمداستىرماعان, سونىڭ سالدارىنان اپاتتار بولۋى مۇمكىن. اقمولالىق پوليتسيا قىزمەتكەرلەرى جول-كولىك وقيعالارى مەن بولۋى مۇمكىن قايعىلى سالداردىڭ الدىن الۋ ءۇشىن جول ۇيىمدارىنىڭ باسشىلارىنا مەردىگەر ۇيىمداردىڭ باسشىلىعى تاراپىنان باقىلاۋدى كۇشەيتۋدى جانە الداعى ۋاقىتتا مۇنداي كەمشىلىكتەرگە جول بەرمەۋدى قاتاڭ ۇسىنىپ وتىر», دەلىنگەن حابارلامادا.
ايتا كەتەيىك, جىل باسىنان بەرى اقمولا وبلىسىندا 43 ساراپتاما جۇرگىزىلگەن. انىقتالعان زاڭ بۇزۋشىلىقتار بويىنشا ۇيعارىم شىعارىلىپ, ورىنداۋ مەرزىمدەرى بەلگىلەنگەن.