تۇركيانىڭ دەنيزلي پروۆينتسياسىنىڭ سارايكەي قالاسىندا جولاۋشىلار اۆتوبۋسى جۇك كولىگىمەن سوقتىعىسىپ, سالدارىنان ءبىر ادام كوز جۇمدى. ودان بولەك 20 جولاۋشى جاراقات العان, ۇشەۋىنىڭ جاعدايى اۋىر, دەپ حابارلايدى Egemen.kz.
وقيعا اۋدانداعى نەگىزگى تاس جولداردىڭ بىرىندە بولعان. سوقتىعىستىڭ قاتتى بولعانى سونشا, كەيبىر جولاۋشىلار اۆتوبۋستىڭ ىشىندە قىسىلىپ قالعان. زارداپ شەككەندەر كولىكتەرىنەن ەۆاكۋاتسيالانىپ, جاقىن ماڭداعى اۋرۋحانالارعا جەتكىزىلگەن.
وقيعانىڭ ناقتى سەبەبى ءالى انىقتالىپ جاتىر. الدىن الا بولجام بويىنشا, وقيعاعا جۇرگىزۋشىلەردىڭ ءبىرىنىڭ ابايسىزدىعى نەمەسە جولدىڭ قولايسىزدىعى سەبەپ بولۋى مۇمكىن.