الماتىداعى تۇرعىن ۇيلەردىڭ بىرىنەن 89 جاستاعى ايەل مەن 87 جاستاعى ەر ءادامنىڭ مايىتى تابىلعان, دەپ حابارلايدى Egemen.kz.
قايعىلى وقيعا 27 قاراشادا الماتىنىڭ تۇركسىب اۋدانىندا بولعانى حابارلاندى. الدىن الا مالىمەت بويىنشا, ەرلى-زايىپتىلاردىڭ 56 جاستاعى تانىسى ولاردى جانجال بارىسىندا ولتىرگەن.
«كىسى ءولتىرۋ فاكتىسى بويىنشا تۇركسىب اۋداندىق پوليتسيا باسقارماسى قىلمىستىق ءىس قوزعادى. كۇدىكتى ۇستالىپ, قاماۋعا الىندى. وقيعانىڭ ءمان-جايى انىقتالىپ جاتىر», دەپ حابارلادى الماتى پوليتسيا دەپارتامەنتىنىڭ ءباسپاسوز قىزمەتى.