اتىراۋدا پوليتسەيلەر جوعارى قاباتتان سەكىرمەك بولعان ايەلدى قۇتقاردى, دەپ حابارلايدى Egemen.kz Polisia.kz-كە سىلتەمە جاساپ.
بەلگىلى بولعانداي, 30 قاراشا كۇنى قالا تۇرعىندارى 8 قاباتتىڭ تەرەزەسىنەن سەكىرمەك بولعان ايەلدى بايقاپ پوليتسياعا حابارلاسقان.
- حابارلاما بويىنشا جەدەل ارەكەت ەتكەن ۋچاسكەلىك پوليتسيا ينسپەكتورى انۋاربەك حاميدوللاەۆ دەرەۋ پاتەردىڭ يەسىن انىقتاپ, وقيعا ورنىنا شاقىرتىپ پاتەرگە ءوتىپ سەكىرمەك بولعان ايەلدى قۇتقارىپ قالدى, - دەپ اتاپ ءوتتى ۆەدومستۆودان.
33 جاستاعى ايەل ادامنىڭ پاتەردى جالعا العان العانى انىقتالدى. قازىرگى تاڭدا ونىڭ بۇل ارەكەتكە بارۋىنا نە سەبەپ بولعانىن پوليتسيانىڭ جەدەل-تەرگەۋ توبى تەكسەرۋدە.