قاراساي اۋدانى, المالىباق اۋىلىنىڭ شەتىنەن 2 قاراشادان بەرى ءىز-ءتۇزسىز جوعالعان 51 جاستاعى ەر ادامنىڭ ءمايىتى تابىلدى, دەپ حابارلايدى Egemen.kz.
الماتى وبلىسىنىڭ پوليتسيا دەپارتامەنتىنىڭ مالىمەتىنشە, ءمايىت 9 قاراشادا تابىلعان. ادام ءولتىرۋ دەرەگى بويىنشا قىلمىستىق ءىس قوزعالعان.
«جەدەل ىزدەستىرۋ ءىس-شارالارىنىڭ ناتيجەلەرى بويىنشا 9 قاراشادا كريمينالدىق پوليتسيا قىزمەتكەرلەرى ءتورت كۇدىكتىنى انىقتاپ, ۇستادى جانە ۋاقىتشا ۇستاۋ يزولياتورىنا قامادى. قازىرگى ۋاقىتتا قىلمىستىڭ بارلىق ءمان-جايلارى مەن سەبەپتەرىن وبەكتيۆتى زەرتتەۋگە باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر», دەپ اتاپ ءوتتى وبلىستىق پوليتسيا دەپارتامەنتىنىڭ ءباسپاسوز قىزمەتى.