جامبىل وبلىسىندا ەكى ادامدى ءولتىردى دەگەن كۇدىكپەن 28 جاستاعى ەر ادام ۇستالدى, دەپ حابارلايدى Egemen.kz.
جەدەل تەرگەۋ ءىس-شارالارىنىڭ ناتيجەسىندە كۇدىكتى ۇستالىپ, ۋاقىتشا ۇستاۋ يزولياتورىنا قامالدى. بۇرىن ول سوتتالماعان. بۇل دەرەك بويىنشا قىلمىستىق ءىس قوزعالدى, تەرگەۋ جۇرگىزىلىپ جاتىر.
«قايعىلى وقيعالار بولعان جالدامالى تۇرعىن ءۇيدىڭ يەسى جەكە تۇلعالاردىڭ تىركەۋسىز تۇرۋىنا رۇقسات بەرگەنى ءۇشىن اكىمشىلىك جاۋاپكەرشىلىككە تارتىلدى. پوليتسياعا كورشىلەردەن بۇل پاتەرگە قاتىستى شاعىم تۇسكەن جوق», دەدى جامبىل وبلىسى پد ءباسپاسوز قىزمەتىنىڭ وكىلى.
ايتا كەتەيىك, بۇعان دەيىن تارازدا جالدامالى پاتەردەن ەكى ايەل ءولى تابىلعان ەدى.
ولاردىڭ ءبىرى الماتىنىڭ تۇرعىنى, ەكىنشىسى تارازدىق ەكەنى بەلگىلى بولدى.