پوليتسەيلەرگە Honda Accord كولىگىنىڭ يەسىنەن ارىز تۇسكەن. تۇرعىننىڭ ايتۋىنشا, ول ءبىر اي بۇرىن كوپقاباتتى ءۇيدىڭ اۋلاسىنا جارامسىز كولىگىن تاستاپ كەتكەن. وسى ۋاقىت ىشىندە كولىكتى بەلگىسىز بىرەۋ ۇرلاپ كەتكەن, دەپ حابارلايدى Egemen.kz Polisia.kz-كە سىلتەمە جاساپ.
كولىك يەسى كولىكتى ءبىر اي بۇرىن تاستاپ كەتكەنىن, كەيىن ونىڭ جوعالعانىن انىقتاپ, شىعىندى 500 مىڭ تەڭگەگە باعالاعانىن مالىمدەگەن.
انىقتالعانداي, ۇرى 38 جاستاعى ازامات بولىپ شىققان. ول كولىكتى يەسىز دەپ ويلاپ, جاعدايدى پايدالانىپ, ەۆاكۋاتور شاقىرعان. ەۆاكۋاتور جۇرگىزۋشىسىن كولىكتىڭ وزىنە تيەسىلى ەكەنىنە سەندىرىپ, كولىكتى ۇيىنە دەيىن جەتكىزىپ العان.
كۇدىكتى ۇستالىپ, ءوز كىناسىن مويىنداپ, پوليتسەيلەرگە كولىكتى ءبىراز ۋاقىت اڭدىعانىن تۇسىندىرگەن.
كولىك زاڭدى يەسىنە قايتارىلىپ, ۇرلىق فاكتىسى بويىنشا قىلمىستىق ءىس قوزعالعانى حابارلاندى.