الماتى وبلىسىندا بىرقاتار جوعارى لاۋازىمدى پوليتسەي قىزمەتىنەن بوساتىلدى, دەپ حابارلايدى Egemen.kz.
ءىىم باسشىسىنىڭ بۇيرىعىمەن:
– پد باستىعىنىڭ ءبىرىنشى ورىنباسارى سەرىك شالحاروۆ;
– تالعار اۋداندىق پوليتسيا باسقارماسىنىڭ باستىعى نۇرجان كۇنتۇنوۆ;
– پد ەكسترەميزمگە قارسى ءىس-قيمىل باسقارماسىنىڭ باستىعى ۇلان بايتاقوۆ;
– پد كريمينالدىق پوليتسيا باسقارماسىنىڭ باستىعى رۋسلان سماعۇلوۆ;
– پد ۇيىمداسقان قىلمىسقا قارسى كۇرەس باسقارماسىنىڭ باستىعى دۋلات قايىر جانە ونىڭ ورىنباسارى جانات وماروۆ لاۋازىمدارىنان بوساتىلدى.
جەدەل كەڭەستىڭ قورىتىندىسى بويىنشا مينيستر وڭىردەگى قۇقىقتىق ءتارتىپتى جانە قوعامدىق قاۋىپسىزدىكتى قامتاماسىز ەتۋ جونىندە ناقتى تاپسىرمالار بەردى.
ءىىم باسشىسى تالعار اۋدانىندا كامەلەتكە تولماعان بالانى ءولتىرۋ دەرەگى بويىنشا تەرگەۋ جۇرگىزىپ جاتقان جەدەل-تەرگەۋ توبىن جەكە تىڭدادى. بۇل بويىنشا ناقتى تاپسىرمالار بەرىلدى.