ىشكى ىستەر مينيسترلىگىنىڭ وكىلدەرى 16 جاستاعى شەرزات بولات قازا تاپقان قايعىلى وقيعا بەينەلەنگەن ۆيدەونى كورسەتتى, دەپ حابارلايدى Egemen.kz.
ۆيدەوعا تۇسىرىلگەن ارەكەتتەر 4 قازانعا قاراعان ءتۇنى تالعار قالاسىنداعى «قاماجاي» دۇكەنىندە بولعان.
كادرلاردا شەرزاتتى ءولتىردى دەگەن كۇدىكتىنىڭ ەكى بوتەلكە سىرا مەن ءتورت قوراپ تەمەكىنى ساتىپ الىپ جاتقانى كورسەتىلگەن. مامىلە اياقتالعاننان كەيىن ەر ادام تاعى ءبىر بوتەلكە سىرا ساتىپ الىپ, اقشانى تولەگەن. كەيىن كۇدىكتى دۇكەنگە قايتا كىرىپ, تەلەفونىن زاريادتاۋدى سۇراعان. بىرنەشە مينۋتتان كەيىن تەلەفوندى الۋ ءۇشىن قايتا ورالعان. وقيعا كوشەدە ءوربىپ, سول جەردە توبەلەس باستالعان.
ەسكە سالا كەتەيىك, 4 قازانعا قاراعان ءتۇنى تالعاردا ءبىر توپ ادام ءجاسوسپىرىمدى قاتىگەزدىكپەن ءولتىرىپ كەتكەن ەدى. بەلگىلى بولعانداي, 16 جاستاعى شەرزات بولات دۇكەندە اكەسىنە كومەكتەسىپ جۇرگەن كەزدە اگرەسسيۆتى تۇتىنۋشىعا تاپ بولىپ, جانجال باستالعان. ساتىپ الۋشى دوستارىنا قوڭىراۋ شالىپ, ءبىر توپ بولىپ شەرزاتتى, ونىڭ اكەسى مەن اعاسىن پىشاق جانە مىلتىقپەن ۇرىپ-سوعا باستاعان.
كىسى ءولتىرۋ فاكتىسىن تەرگەۋدى قازاقستاننىڭ ىشكى ىستەر ءمينيسترى ەرجان سادەنوۆ قولعا الدى.