استانا پوليتسياسى 19 جاستاعى ءجاسوسپىرىمنىڭ ءمايىتى تابىلعان سوڭ قىلمىستىق ءىس قوزعادى, دەپ حابارلايدى Egemen.kz.
- وقيعاعا قاتىسۋشىلار انىقتالدى. وقيعانىڭ ءمان-جايىن انىقتاۋ جۇمىستارى جۇرگىزىلىپ جاتىر. تەرگەۋ اياسىندا تاراپتاردىڭ, ونىڭ ىشىندە مارقۇمنىڭ اناسىنىڭ بارلىق ءۋاجى مەن مالىمدەمەسى مۇقيات تەكسەرىلەدى, – دەپ حابارلادى پوليتسيا.
بۇل ءىس استانا پوليتسيا دەپارتامەنتى باستىعىنىڭ ەرەكشە باقىلاۋىندا.
ەسكە سالايىق, الەۋمەتتىك جەلىدە ءتورت ادام 19 جاستاعى جىگىتتى ءولتىرىپ, 9-قاباتتان لاقتىرىپ جىبەرگەنى تۋرالى اقپارات تارادى.
بۇل جايلى قازا تاپقان جىگىتتىڭ اناسى ايتتى. ونىڭ سوزىنشە, ءتورت ادام ۇلىن قيناپ ءولتىرىپ, جوعارى قاباتتان لاقتىرىپ جىبەرگەن.