6 قازاندا كوكشەتاۋ تۇرعىنىنان پوليتسيا باسقارماسىنا قىركۇيەك ايىنىڭ ورتاسىندا ۇيدەن كەتىپ, ورالماعان اناسىن ىزدەۋگە جاردەمدەسۋ تۋرالى ءوتىنىش ءتۇستى, دەپ حابارلايدى Egemen.kz.
رolisia.kz جازعانداي, ەر ادام ەكى اپتادان استام ۋاقىت بويى اناسىن ءوز بەتىنشە ىزدەگەن, بىراق تابا الماعان. كەيىنىرەك پوليتسيا مەن ەرىكتىلەر ىزدەۋگە قوسىلدى.
ءتارتىپ ساقشىلارى ءتۇرلى مەديتسينالىق مەكەمەلەردى, قوناقۇيلەردى, ۆوكزالدى قارادى. تانىستارى مەن تۋىستارىنان سۇراستىردى.
جەدەل-ىزدەستىرۋ ءىس-شارالارى بارىسىندا كۋاگەرلەردىڭ ءبىرىنىڭ ايعاقتارىنىڭ ارقاسىندا پوليتسەيلەر ىزدەۋ باعىتىن ناقتىلاپ, ايەلدى تاپتى.
- قازىرگى ۋاقىتتا ونىڭ ءومىرى مەن دەنساۋلىعىنا قاۋىپ ءتونىپ تۇرعان جوق. ونىڭ ۇيدەن نە سەبەپتى كەتىپ قالعانى انىقتالىپ جاتىر, – دەپ حابارلادى پوليتسيا.