اقمولا وبلىسىنىڭ پوليتسەيلەرى جوعالعان ءجاسوسپىرىمدى بەستوبە كەنتىندەگى شاحتادان تاپتى, دەپ حابارلايدى Egemen.kz.
Polisia.kz-ءتىڭ جازۋىنشا, 17 جاسار ءجاسوسپىرىمنىڭ حابار-وشارسىز جوعالىپ كەتۋى تۋرالى ارىز 16 قىركۇيەكتە ستەپنوگورسك قالاسىنىڭ پوليتسيا باسقارماسىنا كەلىپ ءتۇستى.
مۇعالىمدەر 11-سىنىپ وقۋشىسىنىڭ ساباققا كەلمەگەنىنە بايلانىستى دابىل قاققان. بەلگىلى بولعانداي, ءجاسوسپىرىم 13 قىركۇيەكتە مەكتەپكە بارماعان. پوليتسيا قىزمەتكەرلەرى دەرەۋ قاجەتتى جەدەل ىزدەستىرۋ شارالارىن باستادى. جوعالعان ءجاسوسپىرىمنىڭ تانىستارى انىقتالىپ, اتا-انالارى, جاقىن تۋىستارى مەن دوستارى تەرگەلدى.
پوليتسيا جاس جىگىتتىڭ بەستوبە اۋىلىنىڭ اۋماعىندا ەكەنىن انىقتاپ, شاحتانىڭ تومەنگى كوكجيەكتەرىنە ءتۇستى. 17 قىركۇيەكتە كامەلەتكە تولماعان بالانىڭ ورنالاسقان جەرى انىقتالدى جانە ول تۋىستارىنا امان-ەسەن تابىستالدى.
جاس جىگىت التىندى تابۋ ماقساتىندا شاحتاعا تۇسكەنىن ءتۇسىندىردى. پوليتسيا قىزمەتكەرلەرى ءجاسوسپىرىمنىڭ اتا-اناسىنا قاتىستى كامەلەتكە تولماعاندى تاربيەلەۋ, ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى, سونداي-اق ونىڭ قاۋىپسىزدىگىن قامتاماسىز ەتۋ جونىندەگى شارالاردى ورىنداماعانى ءۇشىن اكىمشىلىك حاتتاما تولتىرىلدى. سونىمەن قاتار, كامەلەتكە تولماعان بالانىڭ ءوزى قورعالاتىن وبەكتىگە زاڭسىز كىرگەنى ءۇشىن اكىمشىلىك جاۋاپكەرشىلىككە تارتىلدى.
پوليتسەيلەر اتا-انالاردى بالالارىنىڭ ورنالاسقان جەرىن باقىلاۋدى كۇشەيتۋگە جانە قاۋىپسىزدىك ماسەلەلەرىندە قىراعىلىق تانىتۋعا شاقىرادى.