قايعىلى جاعداي 16 قىركۇيەكتە ساعات 18:30 شاماسىندا «باتىس ەۋروپا-باتىس قىتاي» رەسپۋبليكالىق ماڭىزى بار اۆتوجولىنىڭ 526-شاقىرىمىندا بولعان, دەپ حابارلايدى Egemen.kz.
Cadilak Escalade جۇرگىزۋشىسى باسىپ وزۋ كەزىندە قارسى باعىتقا شىعىپ كەتىپ, قارسى باعىتتا كەلە جاتقان DAF جۇك كولىگىمەن جانە ءوز جولاعىنان شىعىپ, گازەل كولىگىمەن سوقتىعىسقان. سوقتىعىس سالدارىنان ەكى كولىك ورتەنىپ كەتكەن.
«جول اپاتىنان 37 جاستاعى گازەل جۇرگىزۋشىسى, 30 جاستاعى Cadilak Escalade جۇرگىزۋشىسى جانە ونىڭ 5 جولاۋشىسى, ونىڭ ىشىندە ەكى جاسار بالا وقيعا ورنىندا كوز جۇمدى», دەپ حابارلادى جامبىل وبلىسى پوليتسيا دەپارتامەنتىنىڭ ءباسپاسوز قىزمەتى.
اتالعان وقيعاعا قاتىستى سوتقا دەيىنگى تەرگەۋ امالدارى باستالعانى حابارلاندى.