وتاندىق تاۋارلاردى ساتىپ الاتىن نەگىزگى ەلدەر

قازاقستاننىڭ ەكس­پورت­تىق-كرەديتتىك اگەنت­تىگىنىڭ (ەكا) حابارلاۋىنشا, وزبەك­ستاننان بولەك رەسەيگە قۇنى 20 ملرد تەڭگەدەن اساتىن كەلى­سىمشارت بويىنشا قول­داۋ كورسەتىلدى. سونداي-اق تاجىك­ستان­عا – 2,2 ملرد تەڭگەگە, قىر­عىزستانعا – 2,2 ملرد تەڭ­گەگە, سينگاپۋرعا – 2,2 ملرد تەڭگەگە, پولشاعا – 9,2 ملن تەڭگەگە, ازەربايجانعا 3,2 ملن تەڭگەگە تاۋار ساتىلدى.

ەكسپورتتالعان ونىم­دەر­دىڭ باسىم بولىگى – تاماق ونەركاسىبى (45,2%), مەتاللۋرگيا (36,4%), ماشينا جاساۋ (10,3%), اگروونەركاسىپتىك كەشەن ونىمدەرى (5,8%) جانە قۇرى­لىس ماتەريالدارى (1,7%).

«ەكسپورتتىق-كرەديتتىك اگەنتتىك وتاندىق كاسىپ­ورىندارعا جان-جاقتى قول­­داۋ كورسەتىپ, ەكسپورت مۇم­كىندىگىن ارتتىرۋعا, جاڭا نارىقتاردى يگەرۋگە جانە باسەكەگە قابىلەتتى ءونىم وندىرۋگە كومەكتەسەدى. قازىردىڭ وزىندە جىل باسىنان بەرى 236 ەكسپورت كەلىسىم­شارتى جاسالدى. ءبىز ۇسى­نا­تىن قولداۋ قۇرال­دا­رى بيز­نەستىڭ ءتۇرلى قاجەت­تى­لىگ­ىنە بەيىمدەلگەن, سونداي-اق ەكسپورتتىق تسيكلدىڭ كەز كەلگەن كەزەڭىندە ۇتىم­دى شەشىم قابىلداۋعا مۇم­كىن­دىك بەرەدى», دەيدى ساقتان­دىرۋ جانە كەپىلدىك بەرۋ دەپارتامەنتىنىڭ ديرەكتورى داۋرەن نۇرانوۆ.

وسى ورايدا جۇزەگە اس­قان كەيس­تەردى اتاپ وتكەن دە ورىن­دى. مىسالى, جوعا­رى ساپالى شىنى ىدىس وندىرۋ­مەن اينالىساتىن شىم­كەنت­تىك «ەۋروكريستال» جشس قىس­قا­مەرزىمدى دەبيتور­لىق بەرەشەكتى ساق­تان­دىرۋ جانە ەكسپورت الدىن­داعى قارجى­لاندىرۋ دەيتىن اگەنت­تىكتىڭ ەكى بىردەي قول­داۋ قۇرالىن پايدالاندى. نا­تي­جەسىندە, كومپانيا وز­بەكستان نارىعىنا شىعىپ, شەتەلدىك ساتىپ الۋشىلار قاتارىن ارتتىردى. بۇگىندە كاسىپورىننىڭ ەكسپورتتىق ۇلەسى 10 پايىزدان اسادى.

سونىمەن قاتار اگەنتتىك كومەگىمەن ەلىمىزدەگى العاشقى جانە جالعىز روبوتتان­دى­رىل­عان «Troya» جيھاز زاۋىتى رەسەيگە تاۋار تاسىمالدايتىن بولدى. كومپانيا ەكا ۇسىنعان ەكسپورتتىق نەسيەنى ساقتاندىرۋ قۇرالىن قولدانعان. بۇگىندە ەو ەلدەرى دە بىزدە وندىرىلەتىن مەكتەپ پەن زەرتحانا جيھازدارىنا قى­زىعۋشىلىق تانىتىپ وتىر.