كونكۋرسقا مەكتەپكە دەيىنگى, ورتا, ارنايى, مامانداندىرىلعان, قوسىمشا جانە تەحنيكالىق, كاسىپتىك ءبىلىم بەرۋ ۇيىمدارىنىڭ مەنشىك نىسانىنا جانە ۆەدومستۆولىق باعىنىستىلىعىنا قاراماستان شتاتتاعى جانە قۇجاتتاردى تاپسىرۋ كەزىندە كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر قاتىسا الادى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
قۇجاتتاردى قابىلداۋ 2024 جىلدىڭ 29 تامىزىنان 5 قىركۇيەگىنە دەيىن جالعاسادى. بايقاۋ تۋرالى تولىعىراق اقپاراتتى https://astana-modern.kz/ سايتىنان قاراۋعا بولادى.
كونكۋرسقا قاتىسۋشى ۇمىتكەردى, ياعني قاتىسۋعا وتىنىمدەردى قابىلداۋ, تىركەۋ, كونكۋرس قۇجاتتارىن تاپسىرۋ, باعالاۋ https://uzdikustaz-nobd.edu.kz/#/sign-in ۆەب-پورتالىندا جۇزەگە اسىرىلادى.
بايقاۋعا قاتىسۋشى پەداگوگتىڭ ءبىلىم سالاسىن دامىتۋعا قوسقان ۇلەسى, ۇستاز قىزمەتىنىڭ تيىمدىلىگى مەن ونىڭ كاسىبي شەبەرلىگى ەسكەرىلەدى. «ۇزدىك پەداگوگ» اتاعىن بەرۋ قاعيدالارىنا سايكەس ەڭ جوعارى بالل جيناعان پەداگوگتەر جەڭىمپاز اتانىپ, كونكۋرستىڭ رەسپۋبليكالىق كەزەڭىنە قاتىسۋعا مۇمكىندىك الادى.