الماتىدا كيبەرپوليتسيا وپەراتسيا جۇرگىزىپ, قىلمىستىق قۇرال-جابدىقتارى بار 30 جاستاعى پاۆلودار تۇرعىنىن ۇستادى, دەپ حابارلايدى Egemen.kz Polisia.kz سايتىنا سىلتەمە جاساپ.
الماتى قالالىق كريمينالدىق پوليتسيانىڭ «Cyberpol» قىزمەتكەرلەرى كيبەرقىلمىسقا قارسى كۇرەس ورتالىعىمەن «اntifraud» ارنايى ءىس-شاراسىن بىرلەسىپ جۇرگىزگەن. ناتيجەسىندە پاۆلوداردان كەلگەن 30 جاستاعى ازامات ۇستالعان. ونىڭ جالعا الىنعان كەڭسەسىنەن SIM-كارتاعا ارنالعان 512 سلوتى بار SIM-box جابدىعى, سونداي-اق 1620 SIM-كارتا تابىلىپ, تاركىلەنگەن.
«تاركىلەنگەن زاتتار ارقىلى ينتەرنەت-الاياقتار ءارتۇرلى ينتەرنەت قىزمەتتەر مەن مەسسەندجەرلەردى جاسىرىن پايدالانادى. سونىمەن قاتار ول اككاۋنتاردى تىركەۋگە قولدانىلادى, الاياقتار باسقا ەلدە بولا تۇرا قازاقستان ازاماتتارىنا قوڭىراۋ شالا الادى. ۇستالعان ازامات وسى جابدىقتى ورناتۋ جانە قوسۋ, سونداي-اق سلوتتارداعى SIM-كارتالاردى اۋىستىرۋدان تۇراتىن جۇمىسقا كەلىسكەنىن ايتتى. كۇدىكتىنىڭ سوزدەرى قر قك-ءنىڭ 213-بابى بويىنشا قوزعالعان قىلمىستىق ءىس اياسىندا مۇقيات تەكسەرىلەدى», دەدى الماتى قالالىق پد كريمينالدىق پوليتسيا باسقارماسىنىڭ باستىعى ماقسات قاناپياەۆ.