شاحتينسك قالاسىندا اۆتوموبيل جولىنىڭ بويىنداعى ورمان بەلدەۋى قوقىستان تازارتىلدى, دەپ حابارلايدى Egemen.kz.
«تازا ورمان» دەپ اتالعان اكتسياعا ەرىكتىلەر, سپورتشىلار, «جاسىل ەل» جاساعىنىڭ جاس ساربازدارى قاتىستى.
شاحتينسك ورمان القابىنىڭ اۋدانى 722 گەكتاردى قۇرايدى. بۇل قالا تۇرعىندارىنىڭ دەمالۋعا جانە سپورتپەن شۇعىلدانۋعا ارنالعان سۇيىكتى ورنى. دەگەنمەن, وزىنەن قالعان قالدىقتى تازالاپ ءجۇرۋ مادەنيەتى ەكىنىڭ بىرىنە بۇيىرماعانى كوبىمىزدى قىنجىلتادى.
قالا, وعان جاقىن كەنت, اۋىل جاستارىنىڭ باستاماسىمەن ورمانعا اعاش ەگۋ, قوقىس-قالدىقتان تازارتۋ جۇمىستارى بويىنشا اكتسيالار ءجيى وتەدى.
«ورمان – دالا بايلىعى. بۇگىن جاستارمەن بىرگە جالىنداپ ءجۇرىپ جاپ-جاسىل ايماعىمىزدى تازارتتىق. اكتسيانىڭ نەگىزگى ماقساتى دا سول. سونىمەن قاتار, ورتانىڭ تابيعاتقا دەگەن جاناشىرلىعىن ارتتىرۋ», دەيدى شاحتينسك قالاسى جاستار رەسۋرستىق ورتالىعى باسشىسىنىڭ مىندەتىن اتقارۋشى الەكسەي ۆارزاەۆ.
شاحتينسك قالاسىندا «تازا قازاقستان» اكتسياسىنا 100-دەن اسا ەڭبەك ۇجىمى مەن 10 مىڭعا جۋىق تۇرعىن قاتىستى. 15 مىڭ توننادان اسا قالدىق سىرتقا شىعارىلىپ, ساياباق, الاڭ, ەسكەرتكىشتەر اۋماعى تازارتىلدى. مىڭنان كوپ كوشەت ەگىلدى.