قازاقستان كينووپەراتورى ەركىنبەك پىتىراليەۆ Instagram-پاراقشاسىندا امەريكا كينو ونەرى جانە عىلىم اكادەمياسىنا مۇشەلىككە قابىلدانعانىن جازدى, دەپ حابارلايدى Egemen.kz.
اتالعان اكادەميانىڭ مۇشەسى بولعان ە.پىتىراليەۆ ۇيىم جىل سايىن تابىستايتىن «وسكار» سىيلىعىنىڭ لاۋرەاتتارىنا داۋىس بەرە الادى.
«بۇل - مەن ءۇشىن ۇلكەن قۇرمەت جانە كينو الەمىنە قوسقان ۇلەسىمدى مويىنداۋ. كينويندۋستريانىڭ ەڭ ۇزدىك وكىلدەرىن بىرىكتىرەتىن وسىنداي بەدەلدى ۇيىمنىڭ ءبىر بولىگى بولۋدىڭ كەرەمەت مۇمكىندىگى تۋعانىنا ريزامىن. كينو ونەرىنىڭ بولاشاعىن قالىپتاستىراتىن ماڭىزدى شەشىمدەر مەن داۋىس بەرۋگە قاتىسۋدى اسىعا كۇتەمىن. وسى جولدا ماعان قولداۋ كورسەتىپ, سەنگەندەردىڭ بارلىعىنا راحمەت», دەپ جازدى كينووپەراتور جەلىدەگى پاراقشاسىندا.