بۇگىن ۇكىمەت وتىرىسىنان كەيىن عىلىم جانە جوعارى ءبىلىم ءمينيسترى ساياسات نۇربەك ەڭبەك نارىعىنىڭ وزگەرۋىنە بايلانىستى «سەرپىن» باعدارلاماسىنىڭ تالابى جەڭىلدەيتىنىن مالىمدەدى, دەپ جازادى Egemen.kz.
بيىلدان باستاپ «سەرپىن» باعدارلاماسى ارقىلى ءبىلىم الۋ 5 وبلىستىڭ تۇلەكتەرى ءۇشىن عانا قولجەتىمدى.
«سەرپىن» باعدارلاماسىمەن وقۋعا تۇسكەن تۇلەكتەر, گرانت بەرىلگەن وڭىردە جۇمىس ىستەۋى ءتيىس ەدى. ءبىز بۇل تالاپتى وزگەرتىپ, ياعني جەڭىلدەتپەكپىز. ەندى تۇلەكتەر «سەرپىن» باعدارلاماسى ىسكە قوسىلعان كەز كەلگەن وڭىردە جۇمىس ىستەي الادى. نەگە؟ سەبەبى ەڭبەك نارىعى وزگەرىپ جاتىر. بىزدە ەڭبەك نارىعى قاجەتتىلىكتەرىن انىقتايتىن مەحانيزمدەر ناقتى ەمەس, پروبلەمالار بار», دەدى ساياسات نۇربەك.
ايتا كەتەيىك, وسى جىلى «سەرپىن» باعدارلاماسىنا مەملەكەتتەن 3 903 گرانت ءبولىندى.