باس پروكۋراتۋرا مەن ينتەرپول سىرتقى ىستەر مينيسترلىگىنىڭ كومەگىمەن بويجەتكەندى زورلاماق بولعان قىلمىسكەردى گرۋزيادان ەكستراديتسيالادى, دەپ جازادى Egemen.kz.
ول 2020 جىلى شىمكەنت قالاسىندا بويجەتكەندى زورلاۋعا وقتالعان. جابىرلەنۋشى بەلسەندى قارسىلىق كورسەتىپ, قىلمىسكەردىڭ قولىنان قاشىپ كەتكەن.
سوت ايىپتالۋشىنى كىنالى دەپ تانىعانمەن, قىلمىسكەر شەتەلگە قاشىپ, بوي تاسالاعان.
حالىقارالىق ىزدەۋدە بولعان تۇرعىن 2023 جىلدىڭ قازان ايىندا گرۋزيادا ۇستالدى.
«قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا گرۋزيالىق تاراپ ونى ەكستراديتسيالاۋ تۋرالى شەشىم قابىلدادى. قازىرگى ۋاقىتتا ول استانا قالاسىنىڭ تەرگەۋ يزولياتورىنا قامالدى», دەلىنگەن باس پروكۋراتۋرا حابارلاماسىندا.