سولتۇستىك قازاقستان وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ (قاجد) باستىعى ادىلەت مۇستافينوۆ ۇستالدى, دەپ حابارلايدى Egemen.kz.
«سوتقا دەيىنگى تەرگەپ-تەكسەرۋ اياسىندا سولتۇستىك قازاقستان وبلىسى بويىنشا قىلمىستىق-اتقارۋ جۇيەسىنىڭ باسشىسى ۇستالدى», دەپ حابارلادى سىبايلاس جەمقورلىققا قارسى ءىس-قيمىل اگەنتتىگى.
بۇعان دەيىن «پرەزيدەنتكە حات» Telegram-ارناسى 9 شىلدە كۇنى ءا.مۇستافينوۆتىڭ بەلگىسىز ءبىر ايەلدەن 1 ميلليون تەڭگە كولەمىندە پارا الدى دەگەن كۇدىكپەن ءوز كەڭسەسىندە ۇستالعانىن حابارلاعان ەدى.
«قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى», دەلىنگەن حابارلامادا.
مۇستافينوۆ 2023 جىلدىڭ مامىر ايىنان بەرى سولتۇستىك قازاقستان وبلىسى بويىنشا قىلمىستىق-اتقارۋ جۇيەسى دەپارتامەنتىن باسقارىپ كەلەدى.