سولتۇستىكتە جانتۇرشىگەرلىك قايعىلى وقيعا بولدى. پەتروپاۆل اۋرۋحانالارىنا تاماقتان ۋلانعان بەس ادام - ءبىر وتباسى مۇشەلەرى ءتۇستى. ەكى بالا قايتىس بولعان, دەپ حابارلايدى Egemen.kz.
اتا-اناسىنىڭ ايتۋىنشا, قايعىلى وقيعادان ءبىر كۇن بۇرىن وتباسى اۋىلداعى دۇكەننەن وڭدەلگەن تاعام مەن گازدالعان سۋسىن العان. ولاردىڭ ۋلانۋىنا وسى سەبەپ بولۋى مۇمكىن, ونى ارنايى كوميسسيا تەكسەرەدى.
استانا تەلەارناسىنىڭ تىلشىلەرىنە قىزىلجار اۋدانىنا قاراستى نادەجكا اۋىلىنىڭ تۇرعىندارى ءبارى وتە تەز بولعانىن ايتقان. ولاردىڭ كوپشىلىگى وقيعانى ەگجەي-تەگجەيىن بىلمەيدى, بىراق ءبارى كەشكى استان كەيىن وتباسى اۋىرىپ قالعانىن ايتادى.
- تاماق ىشكەن, بولدى. كەيىن ۇيقىعا جاتقان. تاڭەرتەڭ كىشكەنتاي ءۇش جاسار ۆاسەك قايتىس بولعان. ولاردى قالاداعى اۋرۋحاناعا الىپ كەتتى. ال كەشكە قىزدارى...
بالالار ۋلانىپ قالعان دەيدى. ساتىپ الىپ جەگەن. ءتۇشپارا بولۋى كەرەك. جەرگىلىكتى مەدبيكەنى كەشە تۇنگى ساعات ەكىدە ۇيگە شاقىرعان. ۇشەۋى قۇسقان. وقيعا ورنىنا كەلگەن فەلدشەر ءبارىن قاراپ, العاشقى مەديتسينالىق كومەك كورسەتكەن, - دەيدى تۇرعىندار.
- سول مەكەنجايعا تاڭعى ساعات 8 شاماسىندا قوڭىراۋ ءتۇستى. مەدبيكە بارىپ, 2021 جىلى تۋعان بالانىڭ بيولوگيالىق ءولىمىن انىقتادى. ەكى جەدەل جاردەم كولىگىمەن 1996 جىلى تۋعان اناسى جۇقپالى اۋرۋلار ءبولىمىنىڭ العاشقى قالالىق اۋرۋحاناسىنا جەتكىزىلدى. 2017 جانە 2014 جىلى تۋعان ەكى بالا وبلىستىق بالالار اۋرۋحاناسىنا جەتكىزىلدى. قارالىپ, دەرەۋ رەانيماتسيا جانە قارقىندى تەراپيا بولىمشەسىنە جاتقىزىلدى. 2017 جىلى تۋعان قىز اۋىر جاعدايدا, تۇراقسىز بولىپ, 20:50-دە وكپەنى جاساندى جەلدەتۋگە قوسىلدى, جۇرگىزىلىپ جاتقان ەمنىڭ تولىق كەشەنىنە قاراماستان, بالا قايتىس بولدى, - دەيدى سولتۇستىك قازاقستان وبلىسى دەنساۋلىق ساقتاۋ باسقارماسى باستىعىنىڭ ورىنباسارى رايسا قۇسايىنوۆا.
ونىڭ ايتۋىنشا, ون جاستاعى بالانىڭ جاعدايى تۇراقتى اۋىر. ونىڭ اناسى قازىر رەانيماتسيادا.
- قىزىلجار وڭىرىندە ەكى بالا قايتىس بولىپ, ءۇش تۋىسى مەديتسينالىق مەكەمەگە جەتكىزىلگەن ءبىر وتباسىنىڭ ۋلانۋ دەرەگى بويىنشا پوليتسيا سوتالدى تەرگەۋدى باستادى. اتالعان فاكت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە "ابايسىزدا ادامداردىڭ جاپپاي ۋلانۋىنا جانە ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان سانيتارلىق ەرەجەلەر مەن گيگيەنالىق نورمالاردى بۇزۋ" بابى بويىنشا تىركەلدى, - دەدى سقو پد تەرگەۋ باسقارماسى باستىعىنىڭ ورىنباسارى ازات قۇسايىنوۆ.
وقيعادان كەيىن وبلىستىق دەنساۋلىق ساقتاۋ باسقارماسى بۇل ءىستى تەكسەرۋ ءۇشىن ارنايى كوميسسيا قۇرعان. ەكى بالانىڭ ءولىمىنىڭ الدىن الا سەبەبى - توكسيكالىق تاماق ينفەكتسياسى, ينفەكتسيالىق توكسيكالىق شوك جانە ميدىڭ ءىسىنۋى. بارلىق بيولوگيالىق ماتەريالدار ساراپتاماعا جىبەرىلگەن.