بىرنەشە كۇننەن بەرى حابار-وشارسىز كەتكەن جىگىتتى باتىس قازاقستان وبلىسىنىڭ پوليتسيا قىزمەتكەرلەرى تاپتى, دەپ حابارلايدى Egemen.kz.
«موي گورود» باسىلىمى حابارلاعانداي, 6 ماۋسىم كۇنى 19 جاستاعى يگور يسرايلوۆ بايتەرەك اۋدانى رۋبەجينسكوە اۋىلىنداعى ۇيىنەن شىعىپ كەتىپ, قايتا ورالماعان. ال 10 ماۋسىم كۇنى جىگىتتىڭ اناسى پوليتسياعا ارىز جازعان. ول اۋتيزمگە شالدىققان ۇلى جوعالىپ كەتكەنىن جەتكىزدى.
اناسىنىڭ ايتۋىنشا, بۇل ءبىرىنشى جاعداي ەمەس. جىگىت بۇعان دەيىن دە حابارسىز كەتىپ, ءوزى جۇمىس ىستەيتىن شارۋا قوجالىقتارىنىڭ بىرىنەن تابىلاتىن ەدى.
بۇل جولى دا ءدال سولاي بولدى. يگور جۇمىس ىزدەپ, جوعالىپ كەتكەن. ارادا ءبىر اپتا وتكەندە يسرايلوۆتى تەرەكتى اۋدانىنىڭ پوليتسەيلەرى تاۋىپ الدى. ول سول اۋدانداعى شارۋا قوجالىقتارىنىڭ بىرىندە بولعان. يگور شارۋاشىلىق باسشىسىنا جۇگىنىپ, جۇمىسقا الۋىن وتىنگەن كورىنەدى.
قازىرگى ۋاقىتتا يگورمەن ءبارى جاقسى, ول اتا-اناسىنىڭ قاسىندا.