بۇل تۋرالى عىلىم جانە جوعارى ءبىلىم ءمينيسترى ساياسات نۇربەك Atameken Business تەلەارناسىنىڭ «Exclusive» باعدارلاماسىندا ايتتى, دەپ حابارلايدى Egemen.kz.
«بۇرىن گرانتتار بەرىلگەن كەزدە عالىمداردىڭ ۇسىنىستارىن, تاپسىرمالارىن جيناقتاپ, ونى جوعارى عىلىمي تەحنيكالىق كوميسسيانىڭ قاراۋىنا شىعاراتىنبىز. بۇدان سوڭ ولار بەكىتەدى, سول عالىمداردىڭ ۇسىنىستارىنىڭ نەگىزىندە گرانتتار بەرىلەتىن بولادى. وكىنىشكە قاراي, بۇل تەرىس مەحانيزم. عالىم ءوزى جۇزەگە اسىرا الاتىن ۇسىنىستى بەرەدى. كوپ جاعدايدا ول ۇسىنىستار ناقتى ءوندىرىستىڭ نەمەسە سالالىق تاپسىرىستىڭ نەگىزىندە بولمايتىن. سوندىقتان مەحانيزم وسى جىلدان باستاپ وزگەردى. ەندى جوعارى تەحنيكالىق كوميسسيانىڭ قۇرامىنا ءىرى كاسىپورىنداردىڭ باسشىلارىن كىرگىزدىك. ERG, «قازاقمىس», بالقاش مىس زاۋىتى جانە تاعى دا باسقا ءىرى زاۋىتتار», دەپ ءتۇسىندىردى ساياسات نۇربەك.
عىلىم جانە جوعارى ءبىلىم ءمينيسترىنىڭ ايتۋىنشا, ەندى عىلىمي-تەحنيكالىق تاقىرىپتاردى عالىمدار وزدەرى بەلگىلەمەيدى, ونى زاۋىتتار بەلگىلەيتىن بولادى. سونداي-اق مينيستر بەرىلگەن تاپسىرمالار نەگىزىندە قاراجات بولىنەتىنىن ايتتى.
قىرمىزى جۇماعاليقىزى,
ەۇۋ ستۋدەنتى