بوكستان سيدنەي وليمپياداسىنىڭ كۇمىس جۇلدەگەرى مۇحتارحان دىلدابەكوۆ SPORT+ باسىلىمىنا بەرگەن سۇحباتىندا پاريج وليمپياداسىندا باق سىنايتىن بوكسشىلاردىڭ بابى تۋرالى ايتتى, دەپ جازادى Egemen.kz.
مۇحتارحان دىلدابەكوۆ توكيو وليمپياداسىنداعى ناتيجەنى ەسكەرە وتىرىپ, پاريجدەگى سىنعا جولداما العان بوكسشىلاردىڭ مۇمكىندىگىن سارالادى.
«ساكەن بيبوسىنوۆ پەن قامشىبەك قوڭقاباەۆ ەكىنشى وليمپياداسىنا قاتىسۋعا دايىندالىپ جاتىر. ەكەۋى دە وليمپيادانىڭ نە ەكەنىن بىلەدى. اعايىندى ورالبايلار مەن ماحمۇد سابىرحان سىندى سپورتشىلار دا كۇتپەگەن ناتيجەمەن قۋانتۋى مۇمكىن. 2000 جىلى بەكزات ساتتارحانوۆتى دا وليمپيادا جەڭىمپازى بولادى دەپ كىم كۇتكەن؟ مەنىڭ ويىمشا, بيىل التىن مەدال كۇتۋگە بولادى, قازىر قازاق بوكسىنىڭ جەڭىستى ءداستۇرىن قايتارۋ ءۇشىن قولدان كەلگەننىڭ ءبارى جاسالىپ جاتىر. پاريج ويىندارىنا ەكى ايعا جۋىق ۋاقىت قالدى. وليمپيادادان كەيىن قازاق بوكسى جەڭىس داستۇرىنە قايتا ورالادى دەپ ويلايمىن», دەدى سيدنەي وليمپياداسىنىڭ كۇمىس جۇلدەگەرى.