سقو ۆەتەريناريا باسقارماسى مامىر ايىندا 52 ءىرى قارا مالدان برۋتسەللەز انىقتالعانىن مالىمدەدى, دەپ جازادى Egemen.kz.
اۋرۋ وزگە ايماققا تارالماۋ ءۇشىن وبلىستاعى تيميريازەۆ اۋدانىنىڭ دوكۋچاەۆو جانە اققايىڭ اۋدانىنىڭ لەنينسكوە ەلدى مەكەندەرى كارانتينگە جابىلدى.
ءىرى قارادان برۋتسەللەز اۋرۋى ۆەتەرينارلاردىڭ جوسپارلى تەكسەرىسى كەزىندە انىقتالعان.
«بيىل ايىرتاۋ اۋدانىندا 77 مال اۋىردى, ونىڭ ونىڭ 58-ءى ەكى شارۋاشىلىقتىڭ سيىرى, اقجار اۋدانىندا اۋىرعان 20 مالدىڭ 17-ءسى ەكى شارۋاشىلىققا قارايدى. اققايىڭ اۋدانىندا 5 اۋىلدىڭ 15 ءىرى قاراسى برۋتسەللەز جۇقتىرعان. قىزىلجار اۋدانىندا 129 اۋرۋ مال انىقتالسا, سونىڭ 122-ءسى - ەكى شارۋاشىلىققا تيەسىلى. تيميريازەۆتا - 1 جانە ءۋاليحانوۆ اۋدانىندا 2 ءىرى قارادان برۋتسەللەز انىقتالدى», دەدى سقو ۆەتەريناريا باسقارمانىڭ ءباسپاسوز حاتشىسى امانجول نۇرتازين.