قازاقستان تاسجولدارىندا جىلدامدىقتى تەكسەرۋ ءۇشىن اپپاراتتىق كەشەن ىسكە قوسىلادى, دەپ حابارلايدى Egemen.kz Polisia.kz سايتىنا سىلتەمە جاساپ.
«ىشكى ىستەر مينيسترلىگى اۆتوموبيل جولدارى كوميتەتىمەن جانە «قازاۆتوجول» ۇك» اق-مەن بىرلەسىپ, 2023 جىلدان باستاپ جىلدامدىقتى بۇزۋ فاكتىلەرىن تىركەۋ ءۇشىن قالا جولدارىندا كامەرالاردى قولدانۋ قىزمەتىن ەنگىزىپ جاتىر. وتكەن جىلى 33 «زەرەك-2» اپپاراتتىق-باعدارلامالىق جۇيەسى ورناتىلدى. وسى جىلدىڭ 20 مامىرىندا پاۆلودار – قالباتاۋ, بەينەۋ – اقجىگىت, ورال – سامارا, پاۆلودار – ومبى, ورال – ساراتوۆ جولدارىندا 21 كەشەن ىسكە قوسىلادى دەپ جوسپارلانىپ وتىر. وسى كەزەڭنەن باستاپ اتالعان باعىتتار بويىنشا «زەرەك-2» كەشەندەرى شتاتتىق رەجيمدە جۇمىس ىستەيدى», دەدى ءىىم رەسمي وكىلى شىڭعىس الەكەشەۆ.
ىشكى ىستەر مينيسترلىگى جۇرگىزۋشىلەردى جىلدامدىقتى جانە كولىكتەر اراسىنداعى قاشىقتىقتى ساقتاۋعا شاقىردى.
قىرمىزى جۇماعاليقىزى,
ەۇۋ ستۋدەنتى