تىڭ سالانى يگەرگەن كاسىپورىن

«Wectrade» كاسىپورنى­نان كىر جۋاتىن گەلدىڭ, سۇيىق سابىننىڭ, ماتا جۇمسارتقىشتىڭ, تازالىققا قاجەتتىلەردىڭ ءتۇر-ءتۇرىن تاباسىز. قول سۇرتەتىن مايلىقتار, قوقىس سالاتىن پاكەتتەر, باتارەيكالار, اسۇيگە قاجەتتى جابدىقتاردى دا وندىرەدى.

ءوندىرىس جەتەكشىسى الەك­ساندر بۋدنيتسكي كاسىپ­ورىندى العاش قۇرعاننان باستاپ كوزدەگەنى­مىز نارىققا ساپالى ءونىم شىعارۋ ەدى دەيدى. ويلاعاندارى وڭىنان كەلگەن كاسىپورىن حالىقتى ساپالى ونىممەن قامتاماسىز ەتىپ كەلەدى. تاۋارلارىن وزدەرى­نىڭ ينتەرنەت-دۇكەنى ارقى­لى ساۋدالايدى. ءتىپتى ءتيىمدى ەتىپ ۇيگە دەيىن جەتكىزۋ قىز­مەتىن قوسىپ قويعان. قار­ا­عاندىمەن قاناتتاس قالا­لاردان بولەك, استانا مەن الماتىنىڭ سۇرانىسىن دا قاناعاتتاندىرادى.

– كومپانيامىز جەتى جىلدان بەرى جۇمىس ىستەپ كەلەدى. اۆتوحيميا ءون­دىرىسىن از كولەمدە باستادىق. تۇرمىستىق حيميا وندىرە باستاعانىمىزعا ءۇش جىل بولدى. قازىر ايىنا 150 توننا دايىن ءونىم شىعارامىز. جالپى, 50-دەن استام ءونىم ءتۇرى بار. يمپورتتىق جابدىقتى, شيكىزاتتى شەتەلدەن ساتىپ الامىز. ساپانى باقىلاۋعا ارنالعان جەكە زەرتحانا بار. باستاپقىدا شاعىن تسەح ەدىك. كەيىن مەكەنجاي اۋىستىرىپ, كەڭ اۋماققا ورنالاستىق. اۋماعىمىز كەڭ. وتە ىڭعايلى. ءوندىرىستى ودان ءارى دامىتۋ ءۇشىن مۇمكىندىكتەر بار, – دەيدى ءوندىرىس جەتەكشىسى الەكساندر بۋدنيتسكي.

ءوندىرىس ورنى ىرگەلى كا­سىپورىن­دارمەن كەلىسىم جاساسىپ جاتىر. الداعى ۋاقىتتا وسى اۋماقتا وندىرىلەتىن تۇر­مىس­تىق حيميانى «Qarmet», «Kazakhmys» سەكىلدى الپاۋىتتار تۇراقتى تۇردە ساتىپ الىپ وتىرماق.

ءوندىرىس وشاعى – بۇرىنعى ماشينا جاساۋ زاۋىتىنىڭ ورنىندا. بۇل اۋماق وسى ۋاقىتقا دەيىن بوس جاتىپتى. بۇل كۇندە كاسىپورىننىڭ پايداسىنا جاراپ تۇر. شاعىن ونەركاسىپتىك ايماققا وبلىس اكىمىنىڭ ءبىرىنشى ورىنباسارى ازامات تايجانوۆ ارنايى بارىپ, جۇمىس بارىسىمەن تانىستى.

شاعىن ونەركاسىپ ايماعىنىڭ اۋماعى شامامەن 13 مىڭ شارشى مەتردى قۇرايدى. مۇندا ءارتۇرلى بەيىندەگى 10 كاسىپورىن ورنالاستىرىلعان. وسى اۋماقتا قۇبىر­لار مەن جىلىتۋ قازان­دىق­تارى, تۇر­مىس­تىق حيميا جا­سالادى. وبلىس اكىمىنىڭ ءبىرىن­شى ورىنباسارى ازامات تايجانوۆ ايماق باسشىلىعى كاسىبىن دوڭگە­لە­تەمىن دەگەندەرگە بار­لىق جاعداي جاسالعانىن ايشىقتاپ ايتتى.

– ءبىزدىڭ باستى مىندەتىمىز – وتاندىق تا­ۋار وندىرۋشىلەردى قولداۋ. وسى باعىتتا ودان ءارى جۇمىس ىستەيتىن بولامىز. تۇرعىندار ءۇشىن جاڭا جۇمىس ورىندارىن قامتاماسىز ەتۋ ماقساتىندا شاعىن جانە ورتا بيزنەسكە جاعداي جاساۋىمىز كەرەك. وبلىستا توقتاپ تۇرعان عيماراتتار بازاسىندا تاعى دا بىرقاتار شاعىن ونەركاسىپتىك ايماقتار قۇرۋدى جوس­پارلاپ وتىرمىز. وتىنىمدەر ءتۇسىپ جاتىر. بيىل وبلىستا جالپى سوماسى 250 ملرد تەڭگەگە 10 ينۆەستيتسيالىق جوبا ىسكە اسىرىلۋدا جانە 3 500 جاڭا جۇمىس ورنى قۇرىلىپ جاتىر. بۇل رەتتە يمپورتتى الماستىرۋعا, باسەكەگە قابىلەتتى وندىرىستەر قۇرۋعا باسا نازار اۋدا­رى­لادى, – دەيدى ا.تايجانوۆ.

قاراعاندى وبلىسى