10-20 مامىر ارالىعىندا الماتى پوليتسياسى كۇشەيتىلگەن رەجيمدە قىزمەت ەتەدى. وسى كۇندەرى «قۇقىقتىق ءتارتىپ» جەدەل الدىن الۋ ءىس-شاراسى وتەدى, دەپ جازادى Egemen.kz.
جەدەل الدىن الۋ ءىس-شاراسىن وتكىزۋگە ۇلتتىق ۇلاننىڭ اسكەري قىزمەتشىلەرى, پوليتسيا قىزمەتتەرى مەن بولىمشەلەرىنىڭ قىزمەتكەرلەرى جۇمىلدىرىلعان.
جەدەل شارانىڭ ماقساتى - قوعامدىق ءتارتىپتى ساقتاۋ, كوشەلەردە جانە باسقا دا قوعامدىق ورىنداردا قۇقىق بۇزۋشىلىقتىڭ الدىن الۋ. اتالعان ءىس-شارا اياسىندا الماتىدا پوليتسيا جاساقتارىنىڭ سانى ارتادى.
پوليتسيا قىزمەتكەرلەرى مەن اسكەري قىزمەتكەرلەر كوشەلەردى, اۋلالاردى, الاڭداردى, ساياجايلاردى جانە باسقا دا قوعامدىق ورىنداردى ارالاپ, تەكسەرەدى. قۇزىرلى ورگان وكىلدەرى كوشى-قون زاڭناماسىن, سونىڭ ىشىندە قۇرىلىس جانە ساۋدا سالالارىندا قۇقىق بۇزۋشىلىقتاردى انىقتاۋ ماقساتىندا تەكسەرۋلەر جۇرگىزىپ جاتىر. سونداي-اق ازاماتتىق قارۋ يەلەرى مەن پوليتسيانىڭ پروفيلاكتيكالىق ەسەبىندە تۇرعان ادامدار دا باقىلانباق.
«حابار-وشارسىز كەتكەن ادامداردى, قىلمىسكەرلەردى ىزدەستىرۋ, سونداي-اق بوتەننىڭ مۇلكىن ۇرلاۋمەن, پاتەر توناۋمەن, ۇرلىقپەن جانە ت.ب. اينالىساتىن قىلمىستىق توپتاردى اشكەرەلەۋ بويىنشا پد-نىڭ جەدەل بولىمشەلەرىنىڭ جۇمىسى كۇشەيتىلدى», دەلىنگەن ءىىم حابارلاماسىندا.