اتىراۋ وبلىسىندا جايىق وزەنىنىڭ بويىندا 473 كم قورعانىس بوگەتى سالىندى, دەپ حابارلايدى Egemen.kz.
اتىراۋ وبلىسىندا جايىق وزەنىندەگى سۋدىڭ كوتەرىلۋىنە جانە يرەكلى سۋ قويماسىنان كەلەتىن سۋدىڭ ارتۋىنا بايلانىستى جاعالاۋدى نىعايتۋ جۇمىستارى جالعاسىپ جاتىر.
«بۇگىنگى تاڭدا جايىق وزەنىنىڭ بويىندا ۇزىندىعى 520 كم-ءنىڭ 473 كم-نە قورعانىس بوگەتى سالىندى, 22 ساۋىردەگى جاعداي بويىنشا 15 مىڭنان استام ادام, 1,5 بىرلىك تەحنيكا جۇمىسقا تارتىلدى. جۇمىستار يندەر, ماحامبەت, يساتاي اۋداندارىندا جانە اتىراۋ قالاسىندا جۇرگىزىلىپ جاتىر», دەدى وبلىس اكىمىنىڭ ءباسپاسوز حاتشىسى رۋسلان جۇماعازيەۆ وكق الاڭىندا وتكەن بريفينگتە.
سونىمەن قاتار جايىق وزەنى سۋىنىڭ كاسپي تەڭىزىنە قۇيىلۋىن جەدەلدەتۋ ماقساتىندا سۋ ءتۇبىن تەرەڭدەتۋ جۇمىستارى جالعاسىپ جاتىر. سۋ ءتۇبىن تازارتۋ جانە كەڭەيتۋ جۇمىستارىنا 5 ارنايى تەحنيكا جۇمىلدىرىلدى. جىلىوي اۋدانىنىڭ قۇلسارى قالاسىندا سوڭعى تاۋلىكتە 16 ۇيدە ەلەكترمەن, 300 ۇيدە گازبەن جابدىقتاۋ قالپىنا كەلتىرىلدى, دەزينفەكتسيالىق جۇمىستار ءالى دە جالعاسادى.
وتكەن تاۋلىكتە 80-نەن استام ۇيدە دەزينفەكتسيالاۋ جۇرگىزىلدى. بىرجولعى ماتەريالدىق كومەك الۋعا 3398 ءوتىنىش قابىلداندى. تولەمدەر 3201 وتباسىنا بەرىلدى.