تانىمال اكتەر بولات ءابدىلمانوۆ ءومىرى جايلى سىر شەرتىپ, ءوزى جايلى كوپشىلىك بىلمەيتىن جايتتاردى ايتتى, دەپ حابارلايدى Egemen.kz.
ونەر يەسى سىرت كوزگە قاتال كورىنگەنىمەن, شىن مانىندە كوپ جىلايتىنىن جەتكىزدى. بولات ءابدىلمانوۆ تۋىپ-وسكەن اۋىلى جايلى ايتىپ, ستۋدەنت كەزىندە ۇيىنە ورالعان ساتتەرىن ەسكە الدى.
- ەلگە ايتسام, سەنبەيدى. بىراق مەن نەگىزى كوپ جىلايمىن. كوبىسى مەنى قاتىگەز, قاتال, قاتتى دەپ ويلايدى. ۇيدە وتباسىممەن كينو قاراپ وتىرعاندا ەشكىم جىلاماسا, ءبىر ساتتەردە مەن جىلاپ قالامىن. جىلاعان ساتتەرىم كوپ بولدى. الماتىدان اۋىلعا ساعىنىپ بارعاندا جىلايتىنمىن. اۆتوبۋسپەن اۋىلعا كىرگەن سۋىق بولىپ كورىنەتىن ەدى. سول سەبەپتى 5-6 شاقىرىم قالعاندا ءتۇسىپ قالىپ, ءان ايتىپ كىرەتىنمىن. سول كەزدە جىلايتىن ەدىم, - دەدى اكتەر.
سونىمەن قاتار ونەر يەسى وتباسى جايلى جان سىرىن اقتارىپ, نە سەبەپتى ءوزىنىڭ تۋعان اتا-اناسىنىڭ تاربيەسىندە بولماعانىن اشىپ ايتتى. بولات ءابدىلمانوۆتى كىشكەنتاي كەزىندە اكەسىنىڭ اعاسىنا اسىراۋعا بەرگەن.
- اعايىنشىلدىق دەگەن قازاقتىڭ ءداستۇرى. ءبىر ۇيدە بەس كىسى. ەڭ ۇلكەنىنىڭ بالاسى بولماعان. ورتانشىسى - اكتەر ادامدار. مەن دۇنيەگە كەلگەندە اجەم ۇيگە كەلىپ, ورتانشى بالاسىنىڭ قىرقىنان شىقپاعان ءسابيىن (رەد. مەنى) اۋىلعا ۇلكەن ۇلىنا اپارىپ بەرەدى. مەنى قويشىنىڭ بالاسى دەپ جازدىرعان. ماعان بۇل جايلى ەشكىم ايتپاعان. 18 جاسىمدا ءبىر-اق ءبىلدىم. 14 جاسىمدا مەنى وسىرگەن انام قايتىس بولدى. ءۇيدىڭ جالعىز بالاسى, مەكتەپتەگى العىر وقۋشى بولعان ماعان بۇل جاعداي اۋىر ءتيدى. بىردەن ەسەيىپ كەتتىم. كەيبىر بالالاردى بەرەدى, كەيىن ولار ءبارىبىر ءوز اكە-شەشەسىنە كەتىپ قالادى. مەنىڭشە, بۇل دۇرىس ەمەس. تۋدى, ارينە. بىراق ءتۇن ۇيقىسىن ءتورت ءبولىپ, سەنى اسىراپ جەتكىزگەن ادام ناعىز اتا-انا دەپ ويلايمىن", - دەدى اكتەر "العاشقى" باعدارلاماسىندا.