زايسان قالاسىنىڭ تۇرعىندارى كوشەدە الدىڭعى جانە ارتقى ەسىكتەرى جوق كولىكتى ايداعانى ءۇشىن جازالاندى. ولار كوشەدەگى بوتەن كىسىنىڭ ۆيدەوسىنا كەزدەيسوق ءتۇسىپ قالىپ, الەۋمەتتىك جەلىدە شۋ كوتەردى, دەپ جازادى Egemen.kz.
زايسان قالاسى كوشەلەرىنىڭ بىرىندە جاس جىگىت الدىڭعى جانە ارتقى ەسىكتەرى جوق كولىك جۇرگىزگەن, قاسىندا دوسى دا وتىرعان. وزدەرى ءۇشىن دە, باسقالارى ءۇشىن دە قاۋىپتى جاعداي تۋعىزعان تۇرعىندار كامەرا وبەكتيۆىنە ءتۇسىپ قالعان.
«20 جاستاعى جۇرگىزۋشى كولىك قۇرالدارىن پايدالانۋ ەرەجەلەرىن بۇزعانى ءۇشىن جاۋاپقا تارتىلدى», دەلىنگەن شقو پوليتسيا دەپارتامەنتى تاراتقان مالىمدەمەدە.