سولتۇستىك قازاقستان وبلىسىندا تاعى ءبىر اۋىلدىڭ تۇرعىندارى ەۆاكۋاتسيالاندى, دەپ حابارلايدى Egemen.kz قر توتەنشە جاعدايلار مينيسترلىگىنە سىلتەمە جاساپ.
«قازىرگى ۋاقىتتا قىزىلجار اۋدانىنىڭ بولشايا مالىشكا اۋىلىندا قۇتقارۋشىلار 894 جەرگىلىكتى تۇرعىندى ەۆاكۋاتسيالادى, ونىڭ 112-ءسى بالالار, ەۆاكۋاتسيالانعاندار ۋاقىتشا ەۆاكۋاتسيالاۋ پۋنكتتەرى مەن پەنكوۆو اۋىلىنداعى تۋىستارىنىڭ قاسىندا», دەپ حابارلادى توتەنشە جاعدايلار مينيسترلىگى.
وبلىستىق توتەنشە جاعدايلار دەپارتامەنتىنىڭ مالىمەتىنشە, وبلىستا 1713 ءۇي مەن وعان جاقىن ورنالاسقان 1115 اۋماق سۋ استىندا قالىپ وتىر. پەتروپاۆلدا حرومزاۆود جانە پودگورا شاعىن اۋداندارىندا 1050 ءۇيدى سۋ باسقان. 4552 ادام ەۆاكۋاتسيالاندى, ونىڭ ىشىندە 957 بالا بار.
وڭىردەگى سۋ تاسقىنى جاعدايى ءالى دە كۇردەلى بولىپ وتىر. توتەنشە جاعدايلار دەپارتامەنتىنىڭ مالىمەتى بويىنشا, سەرگەەۆ سۋ قويماسى 153 پايىزعا تولىپ, بوگەت توبەسىنەن اسىپ كەتۋ 2 مەتر 83 سانتيمەتردى قۇراسا, تومەندەۋ تاۋلىگىنە 20 سانتيمەتردى قۇراپ وتىر.