قاللەكيدەن قالعان بۇيىمدار

جادىگەرلەردى قال­لەكيدىڭ عاسىرلىق مەرەيتويىنا وراي ۇلدارى – اندابەك پەن ءنا­دىر تاپسىرىپتى. مۋزەي تو­رىندە تۇرعان كۇمىس تاياقتى جا­زۋشى مۇحتار اۋەزوۆ رەجيسسەر شاكەن ايمانوۆقا بەرگەن. كەيىننەن شاكەڭ بۇل تاياقتى قالەكەڭە سىيلاعان. بۇدان بو­لەك, جادىگەرلەر قاتارىنداعى 1960 جىلى قاللەكي زەينەتكە شىققاندا قالامگەر ءسابيت مۇقانوۆ يىعىنا جاپقان شاپان, 1940 جىلى اباي ءرولىن سومداعاندا كيگەن تاقيا مەن كۇرتەشە, وزبەك اعايىندار تارتۋ ەتكەن الا شاپان جەرلەستەرى ءۇشىن قۇندى زاتقا اينالعان.

– بۇل وڭىردەن ەلىمىزگە بەلگىلى تانىمال تۇلعالار كوپتەپ شىققان. سولاردىڭ ءبىرى – قاليبەك قۋانىشباەۆ. قا­زىر جاس ۇرپاق مۋزەيگە كەلىپ, ءار زاتتىڭ تاريحىن قىزىعا تىڭدايدى. كەۋدەلەرىن ماق­تا­نىش كەرنەيدى. قاللەكي پاي­دالانعان كۇمىس ىدىس-اياقتار دا بار. وسىدان بىرنەشە جىل بۇرىن مۋزەيگە ارنايى كەلگەن حالىق ءارتىسى ءاسانالى ءاشىموۆ تە قالەكەڭ تۋرالى ەستەلىكتەرىن ايتىپ, قۋانىپ كەتكەن بولاتىن, – دەيدى قاليبەك قۋانىشباەۆ اتىنداعى مۋزەي قىزمەتكەرى جانىبەك جانتۋرين.

ەكى قاباتتى مۋزەي الدىندا قاليبەك قۋانىشباەۆتىڭ 100 جىلدىق مەرەيتويىنا وراي اشىلعان ەڭسەلى ەسكەرتكىشى تۇر. الدىڭعى جىلى عيماراتقا «جۇمىسپەن قامتۋدىڭ جول كارتاسى» ارقىلى اعىمداعى جوندەۋ جۇمىستارى جۇرگىزىلدى.

قاراعاندى وبلىسى,

قارقارالى اۋدانى