وڭىردە سۋ دەڭگەيى كوتەرىلىپ, كەي جەردە ارناسىنان اسىپ-تولىپ كەتكەن. ونىڭ ىشىندە اقتوعاي اۋدانى اباي اۋىلى مەن اباي اۋدانى قۇلايعىر اۋىلى دا بار.
ابىروي بولعاندا ەلدى مەكەندەردەگى ۇيلەرگە سۋ كىرگەن جوق. مۇنىمەن قوسا, ايماقتاعى ەكى رەسپۋبليكالىق, ءتورت اۋداندىق ماڭىزى بار جولدى سۋ شايدى.
اباي اۋىلىندا ەرىگەن قار سۋى ارناسىنان اسىپ, دالا جايلاپ كەتكەن. توتەنشە جاعدايلار دەپارتامەنتى مەن جەرگىلىكتى اتقارۋشى ورگاندار ۇيلەردى شايىپ كەتپەۋ ءۇشىن كۇش سالىپ جاتىر. سۋ ارناسىن بۇرىپ, قاپ-قاپ قۇم توسەپ ءجۇر. قازىر جاعداي باقىلاۋدا.
اباي اۋدانىندا دا ەرىگەن قار سۋى مولشەردەن كوپ بولىپ, قۇلايعىر اۋىلىنا دەيىن سۋ كىرگەن. بىراق ابىروي بولىپ, ۇيلەردى سۋ باسۋ فاكتىسى تىركەلمەدى. دەپارتامەنت ماماندارى مەن جەرگىلىكتى اتقارۋشى ورگاندار ءتيىستى جۇمىستاردى اتقارىپ جاتىر.
شەت اۋدانى, رەسپۋبليكالىق ماڭىزى بار «الماتى – ەكاتەرينبۋرگ» اۆتوجولى اقسۋ-ايۋلى اۋىلىنداعى جول بويىنان دا سۋ وتكەن. ەنى 150 م, تەرەڭدىگى 15 سم.
اباي اۋدانى, «قىزىلوردا – پاۆلودار» رەسپۋبليكالىق ماڭىزى بار اۆتوموبيل جولىنىڭ ۋچاسكەسىندە (كراسنايا پوليانا اۋىلى – قۇلايعىر اۋىلى اراسىنداعى ۋچاسكەدە) سۋدىڭ تولىپ كەتۋىنە بايلانىستى كولىكتىڭ بارلىق تۇرلەرى ءۇشىن قوزعالىس جابىلدى.
اقتوعاي اۋدانى, «اقتوعاي – نۇركەن» اۋداندىق ماڭىزى بار جولدىڭ ۋچاسكەسى جابىق, اقتوعاي اۋىلى ارقىلى بالاما جول بار.
نۇرا اۋدانى, وبلىستىق ماڭىزى بار «قورعالجىن-بارشينو-شۇباركول-قىزىلجار» تاس جولىندا سۋ تاسقىنى تىركەلدى. جولاۋشىلار كولىگىنىڭ قوزعالىسى توقتاتىلدى.
«قارقارالى اۋدانى, جولدان سۋدىڭ وتۋىنە بايلانىستى «ەگىندىبۇلاق-قوياندى-بۇركىتتى» اۋداندىق ماڭىزى بار اۆتوموبيل جولىنىڭ ۋچاسكەسىندە (قوياندى اۋىلى – ەگىندىبۇلاق اۋىلى) كولىكتىڭ بارلىق تۇرلەرى ءۇشىن قوزعالىس جابىلدى. قارقارالى اۋدانى, وبلىستىق ماڭىزى بار «نۇركەن – جاڭاتوعان» تاس جولىندا ەرىگەن سۋدىڭ ۇلكەن كولەمىنىڭ اعۋى ناتيجەسىندە ەنى 10-15 م, تەرەڭدىگى 1,5-2 م جول بولىگى پايدا بولدى. جول ۋچاسكەسى جابىلدى, جەرگىلىكتى اكىمدىك پەن پوليتسيا قىزمەتكەرلەرى كەزەكشىلىكتە», دەپ اقپارات تاراتتى وبلىستىق توتەنشە جاعدايلار دەپارتامەنتىنىڭ ءباسپاسوز ماماندارى.
قازىر جاعداي تولىق باقىلاۋعا الىندى.
قاراعاندى وبلىسى