توتەنشە جاعدايلار قىزمەتى ەلەك جانە قارعالى وزەندەرى كوتەرىلەتىنىن حابارلاپ, 900-دەن استام ءۇي تۇرعىندارىن كوشىرۋگە شەشىم قابىلدادى.
اقتوبە قالاسىندا توتەنشە جاعداي جاريالانىپ, ەلەك جانە قارعالى بويىن جاعالاي قونىستانعان تۇرعىن ۇيلەردى سۋ باسۋ قاۋپى كۇشەيدى. كۇننىڭ كۇرت جىلىنۋى سالدارىنان اقتوبە قالاسى ەلەك جانە قارعالى وزەندەرى بويىنداعى باۋ-باقشا ۇجىمدارىندا ورنالاسقان ۇيلەردى سۋ باسۋ قاۋپى تۋىندادى.
- وسىعان بايلانىستى وبلىس اكىمىنىڭ توراعالىمەن جوسپاردان تىس توتەنشە جاعدايلاردىڭ الدىن الۋ جانە جويۋ كوميسسياسىنىڭ وتىرىسى وتكىزىلدى. وتىرىس ناتيجەسى بويىنشا اقتوبە قالاسى ەلەك وزەنى بويىنداعى باۋ-باقشا ۇجىمىندا تۇراتىن 906 ءۇي تۇرعىندارىن ۋاقىتشا ورنالاستىرۋ ورىندارىنا كوشىرۋ تۋرالى شەشىم قابىلداندى,- دەپ جازدى اقتوبە وبلىستىق تجد باستىعى نۇرعالي ءجۇنىسوۆ.