اقتوبە وبلىسى, مۇعالجار اۋدانى, جاعابۇلاق اۋىلىندا 2 ءۇيدىڭ ۋچاسكەسىن سۋ باسىپ قالدى, دەپ جازادى Egemen.kz.
بۇل تۋرالى ايماقتارداعى سۋ باسۋ قاۋپىن باقىلاپ, سۋدى سورۋ جۇمىستارىن جۇرگىزىپ جاتقان توتەنشە جاعدايلار مينيسترلىگى حابارلادى.
اتالعان وبلىستاعى جاعابۇلاق اۋىلىندا قاردىڭ ەرۋى مەن جاۋىن-شاشىننىڭ كوپ تۇسۋىنە بايلانىستى ەكى اۋلانى سۋ باسىپ قالدى. ەرىگەن قار, جاۋىن-شاشىن سالدارىنان جەم وزەنىندە سۋ دەڭگەيىنىڭ كوتەرىلۋ قاۋپى تۋىندادى.
وسىعان بايلانىستى 74 ادام, ونىڭ ىشىندە 30 بالا ەۆاكۋاتسيالاندى.
تۇرعىندارعا مەديتسينالىق كومەك قاجەت بولمادى.