مەكتەپ كۇزەتىنە كۇمان بار

بىزگە وسى ءبىر وقيعا مىنا ءمان-جايدى ايقىنداپ بەرگەندەي بولدى. مەكتەپ پەن بالاباقشاداعى كۇزەت ءالى دە ءالسىز. قۇداي بەتىن ارى قىلسىن, الگىندەگىدەي وقيعا بولا قالسا, قامدانىسى جوق مەكتەپ قايتەدى؟ وكىنىشكە قاراي, مەكتەپكە بەس قارۋى ساي مامانداندىرىلعان كۇزەت ءالى بۇيىرماي كەلەدى.

بۇل تاقىرىپ بۇقارالىق اقپارات قۇرالدارىندا ءجيى كوتە­رىلىپ كەلەدى. مىنبەرلەردەن دە اشىق ايتىلىپ ءجۇر. دەگەن­مەن بيلىكتى دە ارەكەتسىز دەۋدەن اۋلاقپىز. مەكتەپ, بالا­باق­شالارعا بەينەكامەرالار ورناتتى, تۋرنيكەتتەر قويىلدى. بوگدە ادام اتتاپ باسا المايدى قازىر. بىراق مەكتەپ كىرەبەرىسىندە وتىراتىن كۇزەتكە پيعىلى جامان بىرەۋ الدا-جالدا تونە قالسا, دا­يىن ەمەستىگى ەڭسەمىزدى ءبىر باسسا, قارسىلىق تانىتاتىن قاۋقارى جوقتىعى ەكى باسادى.

اڭگىمەمىزدى 13 اقپان كۇنى تەلەگرامدا تاراعان ەكسترەميستىك سيپاتتاعى اقپا­رات­پەن جالعا­لىق. بەلگىسىز ادام قارۋ-جاراق­تىڭ سۋرەتىن سالىپ تۇرىپ, «قارا­عان­دىنىڭ ەسىندە قالا­دى. بۇل سۋرەتتەردى مەن تاڭ­ەرتەڭ ءتۇسىر­دىم. ازدان سوڭ مەن بالا­لاردى ولتىرۋگە بارامىن, بۇل كۇن قاراعاندى ءۇشىن «سۇمدىق» كۇن بولادى...» دەگەن ءماتىن جاريا­لاپ جىبەرگەن.

مۇنداي جازبادان سوڭ مەكتەپتە بالاسى بار اتا-انا عانا ەمەس, جالپى جۇرت جاعاسىن ۇستادى. پولي­­تسيا دەپارتامەنتى جەدەل ارەكەت ەتىپ, تەرروريزم تۋرالى حابار­لاما تاراتقان ادامدى سول كۇنى ۇستادى.

– قاراعاندى وبلىسىنىڭ پوليتسەيلەرى تەرروريزم تۋرالى حابارلاما تاراتقان ادامدى ۇستادى. قاراعاندى وبلىسى پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرىمەن اتقارىلعان كەشەندى ءىس-شارالاردىڭ ناتي­جە­سىندە وبلىس مەكتەپتەرىندە وقۋشىلاردى اتامىن دەپ حابار­لاما تاراتقان تەلەگرامنىڭ اكىم­شىسى ءارى اۆتورىن ۇستادى. 13 جاس­تاعى قارا­عان­دى قالاسىنىڭ تۇرعىنى الە­ۋ­مەتتىك جەلىدەن تەرروريزم تاقى­رى­بىنداعى اقپاراتتى كورىپ, «وچيششەنيە كاراگاندى» دەگەن اتاۋمەن ءوزىنىڭ تەلەگرام ارناسىن قۇرعان. وسىدان سوڭ ۇستالعان جەتكىنشەك وبلىس توڭىرەگىندەگى مەكتەپتەردە تەرروريزم اكتىسىنىڭ دايىندالۋى تۋرالى اقپارات تاراتقان. تەلەگرام ءوشىرىل­دى. پوليتسيا قىزمەتكەرلەرى بۇل قىل­مىسقا شەتەلدە جۇرگەن ادام­داردىڭ قاتىسى بار-جوعىن تەك­سەرىپ جاتىر. پوليتسيا ورگاندارى تارا­پىنان شۇعىل قىز­مەت­تەردىڭ شىعىنى ءۇشىن زالالدى وتەۋ بويىن­شا سوتقا تالاپ-ارىز بەرى­لەدى. بالانىڭ اتا-اناسى زاڭعا سايكەس جاۋاپكەرشىلىككە تارتىلادى. قازىرگى تاڭدا تەرگەۋ ارەكەت­تەرى جۇرگىزىلىپ جاتىر, – دەپ مالىم­­­­دەگەن ەدى وبلىستىق پوليتسيا دەپار­­تامەنتى ەكسترەميزمگە قارسى ءىس-قيمىل باسقارماسىنىڭ باسشىسى سىرباز باتىروۆ.

وسى ءبىر وقيعا قامدانۋدى قا­جەت ەتەدى. مەكتەپتەگى قا­ۋىپ­سىزدىك ماسەلەسىن كۇن تارتى­بى­نەن تۇسىرمەۋدى دە ەسىمىزگە قاي­تا سالعانداي. جوعارىداعى ايت­قا­نىمىزدى تاعى ءبىر قايتالاۋعا تۋرا كەلىپ تۇر: مەكتەپتەگى كۇزەت ءالسىز.

اشىق دەرەككوز ءبىلىم بەرۋ­ ۇيىم­دارىندا 20 مىڭعا جۋىق بەينەباقىلاۋ كامەراسى ورنا­تىل­عانىن ايتادى. ىشكى كامەرا – 12 مىڭعا جۋىق, سىرتقى باقىلاۋ كامەرالارى 7 مىڭعا جەتىپ ارتىلادى. 312 نىساننىڭ بەينەباقىلاۋ كامە­رالارى جەدەل باسقارۋ باس­قار­ماسىنا, پولي­تسيانىڭ كەزەكشى بولىمدەرىنە تىكەلەي تارتىلعان كورىنەدى. ياعني ونداعى بەينەجازبالار بىردەن ورتالىققا تۇسەدى. قالا جانە اۋداندارداعى ءبىلىم ۇيىمدارىنىڭ 222-سىندە كۇزەت فيرمالارىمەن كەلىسىم جاسالعان.

بۇل كۇزەتتىڭ جاعدايىمەن مەك­تەپكە ءجيى بارىپ جۇرگەن اتا-انا­لار جاقسى تانىس. بۇگىنگە دەيىن مۇنداي جۇمىستاعىلار – زەينەت جاسىنداعى ادامدار, كۇزە­تىن قوسالقى جۇمىس دەپ تانى­عان ايەلدەر قاۋىمى. ارينە, قول­دا­رىنا قارۋ-جاراق ۇستاماعان ولار قارسىلىق تانىتىپ, كۇش تە كور­سە­تە المايتىنى بەلگىلى.

مۇنداي جەكەمەنشىك كۇزەت كومپانيالارى اۋەلى تابىس­تى­ كوزدەيدى. الگىندەگىدەي قىز­مەت­كەر­لەرىنە تيىن-تەبەن عانا تولەيدى. وسىدان كەلىپ, مەكتەپ كۇزەتىنە قالاي كۇماندانبايسىز؟

سوڭعى دەرەك بويىنشا, قارا­­عاندى وبلىسىندا 220 كۇزەت كوم­پا­نياسى تىركەلگەن. بىراق قان­شاسى قارۋلانعان, قانشاسى جەكە كۇزەت ەكەنى تۋرالى ناقتى اق­پا­رات جوق. بىلتىر قوعاممەن سە­رىك­­­تەستىكتە قوعام­دىق قاۋىپ­سىز­­دىكتى قامتاماسىز ەتۋ تۇجى­رىم­­­داماسى نەگىزىندە قارا­عان­دى وبلىسىنىڭ پوليتسيا دەپار­تا­مەنتى جەكەمەنشىك كۇزەت كاسىپ­ورىن­­­دارىمەن كەزدەسۋ وتكىزگەن. سون­­دا ايماقتا 255 كۇزەت فير­ماسى بارى ايتىلعان. مۇنداعى باس­­­قوسۋدا ماڭىزدى ماسەلەلەر قا­رال­­عان. كۇزەت ۇيىمدارىنا قارۋ بەرۋ, ونى ساقتاۋدا, كادر­لاردى تاڭ­داۋدا پوليتسيامەن بىرلەسكەن الگو­ريتم دايىندالۋى قاجەت­تىگى كوتە­­رىلگەن. كۇزەتشىلەردى دە پولي­تسيا قىزمەتكەرلەرى سەكىلدى بەينە­­جەتونمەن جابدىقتاۋ دا ايتىل­عان.

قاراپ وتىرساڭىز, قازىر كۇزەت­سىز­ بىردە-ءبىر ۇيىم, بولماسا مەكەمە جوق. وكىنىشكە قاراي, سونىڭ بارىندە ەسىك كۇزەتكەن ەڭگەزەردەي جىگىت­تەر جوق. زەينەتتەگى كەمپىر-شالدار. بولماسا, قىز-كەلىنشەك.

ياعني پوليتسيا دەپارتا­مەن­تى­نىڭ كۇزەت كومپانيالارىنا كادر تاڭ­داۋدا بىرلەسكەن الگوريتم قاجەت دەۋىنىڭ ءمانى دە وسىندا. قو­عامدا كەيىنگى كەزدە بولىپ جاتقان وقي­­عالار كەش قالماۋ كەرەكتىگىن قا­پە­رىمىزگە قايتا-قايتا سالىپ تۇر­­عانداي. «وسى ماسەلەمەن ناقتى كۇ­رە­سۋ ءۇشىن مەكتەپ, بالاباقشا جا­­­رىلىپ, بالالار قىرىلۋى كەرەك پە؟» دەگەن سۇرىقسىز وي ەرىك­سىز سۋماڭ ەتەدى. بالا كۇزەتىن با­رىن­شا­ قولعا الاتىن كەزدىڭ جەت­كە­نىنە كوپ بولدى. بىراق ءبىز ءالى بەي­قام­بىز.

قاراعاندى وبلىسى