بۇل تۋرالى «قازگيدرومەت» رمك باس ديرەكتورىنىڭ ءبىرىنشى ورىنباسارى سەرىك سايروۆ ايتتى, دەپ حابارلايدى Egemen.kz.
«قازگيدرومەت ماماندارىنىڭ باعالاۋىنشا ناۋرىز ايىنىڭ سوڭىنا قاراي اۋا تەمپەراتۋراسىنىڭ فونى كوتەرىلىپ, قارقىندى قاردىڭ ەرۋىنە جانە سۋ باسۋ قاۋپىنە اكەلەدى. سونىمەن قاتار رف شەكارالاس ايماقتارعا, اتاپ ايتقاندا, جايىق وزەنى جانە ونىڭ سالالارىنا, توبىلدىڭ الاپتارىنا ەرەكشە نازار اۋدارۋ قاجەت. قازىر ورىنبور جانە چەليابى وبلىستارىندا, سونداي-اق باشقۇرتستاندا جينالعان قار كولەمىنە بايلانىستى قولايسىز سۋ تاسقىنى جاعدايى قالىپتاستى», دەدى سپيكەر وكق الاڭىندا وتكەن ءباسپاسوز كونفەرەنتسياسىندا.
سپيكەردىڭ ايتۋىنشا, گيدرولوگيالىق مونيتورينگ 377 گيدرولوگيالىق بەكەتتەردە جۇرگىزىلەدى.