نۇرا اۋدانىندا «nura agroforum-2024» اتتى اۋىلشارۋاشىلىق فورۋمى ۇيىمداستىرىلدى. القالى باسقوسۋدى العاش نۇرا اۋدانىنىڭ وتكىزەتىن ءجونى دە بار. ويتكەنى, اۋىلشارۋاشىلىق سالاسىنداعى كورسەتكىشتەرىنىڭ كوشى ىلگەرى. سونىمەن بۇل باسقوسۋعا وبلىس اكىمىنىڭ ورىنباسارى باۋىرجان اسانوۆ, اۋدان اكىمى باقىتجان مۇقانوۆ, «سارىارقا» الەۋمەتتىك-كاسىپكەرلىك كورپوراتسياسى باسقارما توراعاسىنىڭ ورىنباسارى ەركىنبەك ءابدىحانوۆ, بىرقاتار وبلىستاعى باسقارما وكىلدەرى مەن «قازسۋشار» رمك, «قازاگروقارجى» اق, «اگرارلىق نەسيە كورپوراتسياسى» اق, «ازىق-ت ۇلىك كورپوراتسياسى» ۇك سەكىلدى ىرگەلى ۇيىمداردىڭ وڭىردەگى فيليال باسشىلارى, فەرمەرلەر قاتىستى.
وبلىستىق اۋىل شارۋاشىلىعى باسقارماسىنىڭ باسشىسى سايات مۋسين ءوزىنىڭ بايانداماسىن وتكەن جىلى ءوڭىردىڭ اگروونەركاسىپتىك كەشەنىنە 26,2 ملرد تەڭگە ينۆەستيتسيالانعانىنان باستادى. بۇل قارجىنىڭ ءبىر پاراسى اۋىل شارۋاشىلىعى تەحنيكاسىن جاڭارتۋعا باعىتتالىپ جاتقانىن اتاپ ءوتتى. 15,8 ملرد قارجىعا 931 ءتۇرلى تەحنيكا ساتىپ الىنعان. قازىرگى ۋاقىتتا ايماعىمىزدا 12 مىڭعا جۋىق دوڭعالاقتى جانە شىنجىر تاباندى تراكتور, مىڭ جارىمعا جۋىق استىق, كارتوپ جانە جەمشوپ جينايتىن كومباين بار.
مۇنىمەن قوسا, وتكەن جىلى 10 ملرد تەڭگەگە جوسپارلانعان 28 جوبا ىسكە قوسىلىپ, 200-گە جۋىق جۇمىس ورنى قۇرىلدى. ونىڭ ىشىندەگى جەتى جوبا وسى نۇرا اۋدانىندا جۇزەگە اسقانىن اتاپ ءوتۋىمىز كەرەك. «اقتايلاق», «عيبرات», «قۇلتۋما» شارۋا قوجالىقتارى تۇقىمدى اسىلداندىرۋعا 56 جىلقى ساتىپ الدى.
«TASS 2004» جشس 312 گەكتار سۋارمالى جەر قالپىنا كەلتىرۋدە. «چەرنيگوۆسكي ي ك» جشس-دا قۇنى 75 ملن تەڭگە بولاتىن استىق تازالايتىن ماشينا ساتىپ الىنىپ, ورناتىلدى. ءدال وسىنداي استىق قۇرىلعىسىن «قۇلانوتپەس» جشس-دا ورناتقان. بۇدان باسقا, مۇندا استىق قويمالارىن قايتا جاڭارتۋ جۇرگىزىلۋدە. سونداي-اق «كارين ا» جشس ۇن تارتۋ كاسىپورنىن اشتى.
– اۋىل حالقىنىڭ تابىسىن ارتتىرۋ جوباسى اياسىندا بىلتىر 3,4 ملرد تەڭگەگە 456 شاعىن نەسيە بەرىلدى. مۇنداعى 62 نەسيەنى اۋىل شارۋاشىلىعى كووپەراتيۆتەرى مەن 394 جەكە شارۋا قوجالىعى الدى. ناتيجەسىندە, 580-گە جۋىق جۇمىس ورنى اشىلدى. نۇرا اۋدانى بويىنشا 375,9 ملن تەڭگەگە 35 شاعىن نەسيە بەرىلدى, – دەدى سايات مۋسين.
باسقارما باسشىسى اۋىل شارۋاشىلىعى قۇرىلىمدارىنىڭ الدىندا تۇرعان مىندەتتەردى دە اتاپ ءوتتى. ەندى, وسى سالاداعى ءونىم ءوندىرۋ كولەمىن 563 ملرد تەڭگەگە دەيىن جەتكىزۋ جوسپارلانىپ وتىر. ءىرى قارا مەن جىلقى, قۇستى كوبەيتۋگە نيەتتى شارۋالار.
اتاپ ايتقاندا, ەت ءوندىرىسى – 124,2 مىڭ تونناعا دەيىن, ءسۇت – 447,4 مىڭ تونناعا دەيىن, جۇمىرتقا – 736,4 ملن داناعا دەيىن ءوسىرۋدى مىندەتتەپ وتىر. وسىمدىك شارۋاشىلىعى بويىنشا دا ءوسىم ۇلعايادى.
مەملەكەت باسشىسىنىڭ تاپسىرماسىنا سايكەس, 600 مىڭ گەكتارعا 71,5 مىڭ توننا مينەرالدى تىڭايتقىش ەنگىزىلەدى. ياعني ەگىس القابىنىڭ جارتىسىنا جۋىعىنا. بۇل رەتتە كوكتەمگى ەگىس جۇمىستارىنا 17,4 مىڭ توننا ارزانداتىلعان ديزەل وتىنى ءبولىندى. بيىل ەكى وپەراتورمەن كەلىسىم جاسالدى. «Retail Trade Oil» جشس جانە «مۇناي-كومپانيا» جشس. ولار اقپان ايىنان باستاپ, قاراعاندى مەن وساكاروۆكاداعى مۇناي بازالارىنان ديزەل وتىنى ءليترىن 245 تەڭگەگە ساتىپ جاتىر.
بيىل 43,6 ملرد تەڭگەگە 27 ينۆەستيتسيالىق جوبانى ىسكە اسىرۋ جوسپاردا بار.
– «اۋىل اماناتى» اۋىل حالقىنىڭ تابىسىن ارتتىرۋ جونىندەگى جوبانى ىسكە اسىرۋ جالعاسادى. بۇعان بيىل 7 ملرد تەڭگە قارجى قاراستىرىلعان. 880 شاعىن نەسيە بەرىلەدى. بۇل دەگەنىمىز, اۋىلدا 930-دان اسا جاڭا جۇمىس ورنىن قۇرۋعا مۇمكىندىك بەرەدى. وسى مىندەتتەردىڭ بارلىعى مەملەكەت باسشىسىنىڭ 2028 جىلعا دەيىن اۋىل شارۋاشىلىعىنىڭ جالپى ءونىمىنىڭ كولەمىن ەكى ەسەگە ۇلعايتۋ جونىندەگى تاپسىرماسىن ورىنداۋ جونىندەگى جول كارتاسىنا ەنگىزىلگەن. قويىلعان مىندەتتەردى جۇزەگە اسىرۋ ءۇشىن الەۋەت بار, ولاردى بارىنشا پايدالانامىز دەپ وتىرمىز, – دەپ بايانداماسىن قورىتىندىلادى سايات مۋسين.
بۇعان قوسا, القالى باسقوسۋدا اۋىل شارۋاشىلىعىنا قاتىستى ماڭىزدى ماسەلەلەر پىسىقتالدى. كوكتەمگى ەگىس ناۋقانىنا دايىندىق, استىق القابىن قۇنارلاندىرۋ, جەمشوپ جيناۋ جونىندە ءوربىدى. اۋىل شارۋاشىلىعى ۇيىمدارىنىڭ باسشىلارى فەرمەرلەردىڭ ماسەلەلەرىن تىڭداپ, اشىق پىكىر الماستى. باستىسى, اۋىل تابىسى ارتپاق. اۋىل بايىسا, ەل ەكونوميكاسى ەڭسە تىكتەيدى.
قاراعاندى وبلىسى,
نۇرا اۋدانى