توتەنشە جاعدايلار ءمينيسترى شىڭعىس ءارىنوۆ الماتىداعى جەر سىلكىنىسىنە بايلانىستى ۆەدومستۆونىڭ اتقارىپ جاتقان جۇمىستارىن پرەزيدەنتكە باياندادى, دەپ جازادى Egemen.kz.
«مەملەكەت باسشىسىنىڭ تاپسىرمالارىنا نەگىزدەلگەن ءىس-قيمىلدار الگوريتمى ءوز دەڭگەيىندە ورىندالدى. قازىر قالاداعى جاعداي قالىپتى, بارلىق ءتيىستى مەكەمەلەر بەكىتىلگەن جوسپارعا سايكەس جۇمىس ىستەپ جاتىر», دەدى شىڭعىس ءارىنوۆ. قاسىم-جومارت توقاەۆ جاۋاپتى مينيسترلىككە تۇرعىنداردىڭ اماندىعىن قامتاماسىز ەتىپ, الماتىداعى جاعدايدى باقىلاۋدا ۇستاۋدى تاپسىردى.
پرەزيدەنت قالا اكىمى ەربولات دوساەۆقا دا جاۋاپتى مەكەمەلەرمەن تىعىز قارىم-قاتىناستا جۇمىس ىستەۋدى جۇكتەدى.