كورىكتى كوكتەمنىڭ العاشقى مەرەكەسى العىس ايتۋ كۇنىنە وراي قاراعاندىدا «العىسىمىز شەكسىز» اكتسياسى باستالدى. اكتسيا اياسىندا قاراعاندى جاستار رەسۋرستىق ورتالىعىنىڭ وكىلدەرى مەن تاتتىمبەت اتىنداعى كوللەدج ستۋدەنتتەرى وبلىس تۇرعىندارىن ەرەكشە قۇتتىقتادى.
ستۋدەنتتەر بىرنەشە كۇن بويى ۇلتتىق كيىم كيىپ, قالا تۇرعىندارى مەن قوناقتارىنا قۇرت تاراتتى. تۇرىك حالىقتارىنىڭ ءداستۇرلى تاعامدارىن ۇسىنىپ, حالىق اندەرىن ورىندادى.
الداعى ۋاقىتتا مەرەكە قارساڭىندا وبلىسىمىزدىڭ اۋدان-قالالارىندا ءتۇرلى ءىس-شارا ۇيىمداستىرىلماق.
ماسەلەن, «تەمىرجولشىلار» مادەنيەت ۇيىندە «ريزاشىلىق – مەيىرىمدىلىك بۇلاعى» اتتى دوڭگەلەك ۇستەل ءماجىلىسى وتەدى. «مولودەجنىي» مادەنيەت ۇيىندە «شىن جۇرەكتەن, مىڭ العىس», م.اۋەزوۆ اتىنداعى كىتاپحانادا «راحمەت ساعان – تۋعان ەل!» مۋزىكالىق كەشى وتەدى. مۇنىمەن قوسا قالانىڭ بالالار مەن جاسوسپىرىمدەر كلۋبتارىندا «مەن العىس ايتامىن» اقپاراتتىق ساعاتى ۇيىمداستىرىلىپ, جاڭا مايقۇدىق مادەنيەت ۇيىندە «العىس ايتۋ – اسىل قاسيەت» كونتسەرتتىك باعدارلاماسى قويىلدى.
وسىلايشا, قاراعاندىلىقتار ءبىر-ءبىرىنىڭ كوڭىلىنەن سۋ ءىشىپ ءجۇر.
قاراعاندى وبلىسى