قاراعاندى وبلىستىق بەينەلەۋ ونەرى مۋزەيىندە ەرتەڭنەن باستاپ «العىس – اسىل ءسوز!» اتتى مۇراجاي ساباعى وتەدى. مادەني ءىس-شارا 6 ناۋرىزعا دەيىن جالعاسادى.
«ەلىمىزدە 2016 جىلدان باستاپ العىس ايتۋ كۇنى اتاپ وتىلەدى. وسىعان وراي ءبىز جىل سايىن بۇل مەرەكەگە ارناپ مۇراجاي ساباعىن وتكىزەمىز, ءبىزدىڭ قورلارىمىزدان ءتۇرلى ۇلت وكىلدەرىنىڭ بەينەلەۋ جانە قولدانبالى ونەر تۋىندىلارىن كورسەتەمىز», دەيدى مۇراجاي باسشىلىعى.
مۇراجاي ساباعى ەكى بولىمنەن تۇرادى: بىرىنشىسىندە مەرەكە جونىندە ايتىلادى, ال ەكىنشىسىندە ەكسكۋرسيا جوسپارلانعان.
مۇراجاي قوناقتارى ۆ. ەيفەرتتىڭ «جۇبايىمنىڭ پورترەتى», م. ابىلقاسوۆتىڭ «بەكتاۋ-اتا», س. سانوسياننىڭ «باياناۋىل تاستارى», گ. گيلەۆسكيدىڭ «جازعى كۇن», ا. اسۋحانوۆتىڭ «وتانىمنىڭ سارىندارى», م. كيمنىڭ «المامەن ناتيۋرمورت» سياقتى كارتينالارىمەن, باسقا دا اۆتورلاردىڭ ساندىك-قولدانبالى جۇمىستارىمەن تانىسا الادى.
ساباققا وقۋشىلار مەن ستۋدەنتتەر 475-475 ءنومىرى بويىنشا جازىلا الادى.